تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
 

السلام عليكم ورحمة الله
النهارده جيبالكم تورتة خفيفة وطعمها حلو جدا وهنعملها بالكيكة الاسفنجية التقليدية وسهلة لأى مبتدئة فى التورتات
مكونات الكيكة الاسفنجية:
2 الا ربع كوب دقيق
ربع كوب نشا
كوب سكر
6 بيضات كبار
ملعقة ونصف صغيرة بيكنج بودر
ملعقة صغيرة فانيليا سايلة
مكونات الحشو:
2 كوب كريم شانتى خام
5 ملعقة كبيرة حليب بودرة
5 ملعقة كبيرة سكر بودرة
2 كوب ماء مثلج
فراولة
مكونات صوص الشوكولاته:
2 كوب شوكولاته بيضاء مبشورة
نصف كوب حليب
2 ملعقة كبيرة عسل جلوكوز (يمكن استبدالها بعسل نحل)
قطعة زبدة
فانيليا
للتزيين:
جوز هند اصفر
شوكولاته سايحة
الطريقة:
بالنسبة للكيك هنحط فى اناء البيض والفانيليا
http://www.hayah.cc/forum/img1434/ha...353886_825.jpg
ونضربهم بمضرب البيض لمدة لاتقل عن دقيقتين متواصل
وفيه ناس هتقول ان كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى بعد الخفق
http://www.hayah.cc/forum/img1434/ha...353890_950.jpg
ونحط عليهم كل كمية السكر
http://www.hayah.cc/forum/img1434/ha...353891_948.jpg
ونضربهم على اقصى سرعة لمدة لاتقل عن 10 دقايق متواصل
http://www.hayah.cc/forum/img1434/ha...353891_971.jpg
لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب
http://www.hayah.cc/forum/img1434/ha...353892_758.jpg
وهننخل الدقيق والنشا والبيكنج بودر ونحطهم على الخليط (والنشا فايدته انه بيدى طراوة للكيكة)
http://www.hayah.cc/forum/img1434/ha...353892_273.jpg
ونقلبهم من فوق لتحت بالاسباتيولا وبرفق
http://www.hayah.cc/forum/img1434/ha...353893_754.jpg
لغاية ماتختفى كل كمية الدقيق ونحط الخليط فى صينية مدهونة
http://www.hayah.cc/forum/img1434/ha...353893_998.jpg
وخبزتها فى فرن منخفض الحرارة وطبعا كل شخص فرنه بيختلف عن التانى واختبرت سواها وطلعتها
http://www.hayah.cc/forum/img1434/ha...353893_214.jpg
وقلبتها على ورق خبز
http://www.hayah.cc/forum/img1434/ha...353885_370.jpg
وسبتها فى التلاجة لمدة يوم كامل عشان تتماسك
وطلعتها تانى يوم وجهزت ادوات الحشو والتقطيع
http://www.hayah.cc/forum/img1434/ha...353886_682.jpg
وقسمتها ل3
http://www.hayah.cc/forum/img1434/ha...353887_440.jpg
وطبعا الكيك الاسفنجى ليه طرق كتير جدا متتعدش بس انا حبيت اعملها بأسهل واسرع طريقة
ونجهز الكريم شانتى هنضرب كل مكوناته مع بعض لغاية مانوصل للقوام المطلوب
http://www.hayah.cc/forum/img1434/ha...353887_791.jpg
ونبدأ نحشى الكيكة بالفراولة والصوص بتاعها والكريم شانتى
وبالنسبة لطريقة الفراولة والصوص بتاعها هنجيب الفراولة ونغسلها كويس ونحطها مع سكر فى كسرولة ونحطهم فى التلاجة لمدة يوم هنلاقيها نزلت ميتها
نحطها على النار لمدة ساعة هتدينا شكل الفراولة والصوص دول
http://www.hayah.cc/forum/img1434/ha...353887_183.jpg
http://www.hayah.cc/forum/img1434/ha...353888_716.jpg
وهنغلفها من برة بالكريم شانتى ونبدأ نجهز صوص الشوكولاته
فى كسرولة هنحط الشوكولاته المبشورة والزبدة وعسل الجلوكوز
http://www.hayah.cc/forum/img1434/ha...353888_525.jpg
ونضيفلهم الحليب والفانيليا
http://www.hayah.cc/forum/img1434/ha...353889_109.jpg
ونقلبهم ونسيبهم على النار لغاية مايغلوا ونطفى ونسيبه لما يبرد نحطه فى نص التورته بعد مانعمل وردات على الاطراف وفى الجنب هنحط جوز الهند الاصفر وعلى صوص الشوكولاته البيضا هنعمل خطوط شوكولاته دارك
وده شكل التورته النهائى
http://www.hayah.cc/forum/img1434/ha...353889_718.jpg
وهنا بعد ماقسمناها
http://www.hayah.cc/forum/img1434/ha...353890_114.jpg
يارب موضوعى البسيط ده يكون عجبكم

رد: تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
 

فنانة فنانة :$
ماشاءالله وصفاتك لايعلى عليها :$
حريفة مطبخ والله :$
تسلم هاليمين يارب :$

رد: تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
 

فنانة فنانة :$
ماشاءالله وصفاتك لايعلى عليها :$
حريفة مطبخ والله :$
تسلم هاليمين يارب :$