الحلاوة الطحينية البيتى بأسهل طريقة وصلت من مطبخ الشيف مونى بالصور
 

السلام عليكم ورحمة الله
بما اننا فى الشتا وبنستهلك كمية كبيرة من الحلاوة الطحينية فى فطارنا وعشانا ولسندويتشات اولادكم فى المدارس فقلت اوفر واضمن اننا نعملها فى البيت
ومكوناتها كالتالى:
3 كوب طحينة
3 كوب حليب بودرة
2 كوب سكر بودرة
مكسرات حسب الرغبة
الطريقة:
فى اناء هنحط الحليب البودرة مع السكر بودرة
http://www.hayah.cc/forum/img1434/ha...768225_855.jpg
ونخلطهم مع بعض ونبدأ ننزل عليهم بالطحينة بالتدريج
http://www.hayah.cc/forum/img1434/ha...768226_835.jpg
ونقلبهم بالمعلقة او بالمضرب السلك اليدوى هنلاقيها بقت زى حبات الرمل
http://www.hayah.cc/forum/img1434/ha...768226_488.jpg
وننزل عليهم ببقية كمية الطحينة بردو بالتدريج مع التقليب لغاية ماتخلص هنلاقيها بدأت تبقى كتل نقلبهم مع بعض كويس عشان المكونات تمتزج
http://www.hayah.cc/forum/img1434/ha...768227_224.jpg
ونجمعها ونحطها فى علبة وعليها المكسرات
http://www.hayah.cc/forum/img1434/ha...768227_351.jpg
ونحطها فى التلاجة لمدة يوم كامل عشان تتماسك وهى مش محتاجة اى مواد تثبيت زى زلال البيض او عرق الحلاوة او اى حاجة من دى هى متماسكة كويس
ونطلعها هتبقى جاهزة للاستعمال وبالنسبة لكمية السكر انا شايفاها مناسبة جدا انتوا ممكن تزودوها حسب رغبتكم
وهى موفرة جدا يعنى انا استهلكت اقل من نص كيلو طحينة والكمية دى وزنتها طلعت حوالى كيلو الا ربع حلاوة
http://www.hayah.cc/forum/img1434/ha...768228_797.jpg
http://www.hayah.cc/forum/img1434/ha...768229_891.jpg
http://www.hayah.cc/forum/img1434/ha...768229_159.jpg
وبدون مبالغة طعمها احلى بكتيييييييييييييييييييييي ير من اللى بنشتريها جاهزة
بالهنا والشفا

رد: الحلاوة الطحينية البيتى بأسهل طريقة وصلت من مطبخ الشيف مونى بالصور
 

يمي يمي يمي ياموني :$
فعلا توفير بجد ست بيت زي مايقولوا ماشاءالله ،
تسلم هاليمين على الوصفة :$
احلى فايف ستارز :$