سعيده بحياتى الجديده..هام..

[اشجان الحسن]

سعيده بحياتى الجديده..هام..

السلام عليكم ورحمة الله وبركاته


البرنامج العملي المقترح لحملة سعيدة بحياتي الجديدة

ده اقتراح ولو ليكم اي ملاحظات او افكار باذن الله نضيفها

الثوابت اليومية لا تتغير ابدا

جزئية مسلمة رائعة


الصلاة على وقتها متى سمعت النداء لبي
قراءة ورد يومي من القرآن حتى لو وجه واحد من المصحف
حفظ يومي للقرآن حتى لو سطر واحد
وللخاتمين للقرآن يكون مراجعة يومية بدل الحفظ
اذكار الصباح والمساء
الدعاء وفيه دعوة ثابتة للاقصى والمغفرة للمسلمين والدعوة للاخوات المشتركة في الحملة
قيام الليل حتى لو ركعتين قبل النوم
صدقة يومية في حصالة الصدقة كلنا نشتريها قبل البرنامج ويوضع فيها اقل شئ حتى لو قروش او هللات او فلسات
صيام الاتنين والخميس والثلاثة البيض
الي هاتلاقي الصيام صعب ماتحرمش نفسها حتى لو يوم واحد في الاسبوع اتنين او خميس او على الاقل التلاتة البيض من كل شهر


في جزئية زوجة ناجحة

القمر الي لسة في انتظار انها تكون زوجة قريبا باذن الله
دعاء يومي بالزوج الصالح وممكن صلاة ركعتين الحاجة
وتستغل الوقت في انها تتعلم اشياء تساعدها انها تكون زوجة صالحة

للمخطوبات
يتعلمو من البرنامج افكار المتزوجات استعدادا للمستقبل القريب باذن الله

للمتزوجات

تجهيز الفطار للزوج
وتجهيز ملابسه ومساعدته في اللبس
كلام حنون وايجابي على الصبح يعطيه طاقة ايجابية طول اليوم
توديعه عند الباب والدعاء له
تهتم بالغدا يكون في الميعاد المناسب ومن الاصناف المفضلة للزوج والاسرة وتقدمه بشكل مميز
لما ييجي من الشغل تكون نظيفة ومعطرة ومبتسمة مهمةجدا
تساعده في تغيير ملابسه وتجهز الغدا
تعمل جو هدوء في البيت انه يرتاح او ينام شوية
لما يصحى يكون في جلسة محبة مسائية خفيفة وتكون مجهزة عصير او حاجة خفيفة وتكون جلسة خالية من الهموم
وقبل ماتدخل السرير تكون نظيفة جدا وتلبس لبس نوم بسيط مش شرط لانجري لكن مهم النظافة
وتحاول انها قبل ماينام تسأله اذا كان راضي عليها ويكون ده سؤال يومي
وطبعا في موضوع الحقوق الزوجية موضوع حملة السعادة فيه فكرة شهر عسل هاتستفيد منه افكار كتير باذن الله


في جزئية امرأة بمعنى الكلمة

المشتركات في برنامج الرشاقة يتبعو الافكار الي في برنامج الرشاقة
والي عاوزين زيادة في الوزن ليهم برنامج قريب جدا باذن الله
تهتم الزوجة بعلاج المشكلات الي في بشرتها او شعرها
انها تستغل فترة الصبح في عمل ماسكات للبشرة او تلف شعرها
المهم انها تحافظ باستمرار على نظافتها وده هدف مافيش تنازل عنه وتكون ريحتها حلوة
طبعا في حاجات مش يومية زي السويت يتحدد له وقت ثابت يتعمل فيه بحيث تكون الزوجة دائما جميلة
تعود الست نفسها يوميا انها تخفف من الصوت العالي وانها تتكلم بهدوء وبطريقة فيها دلع وشوية شوية هاتعمل ده بشكل تلقائي مع التعود باذن الله


في جزئية أم مثالية

عمل جدول مبسط للاولاد لميعاد نومهم ومذاكرتهم واكلهم عشان نستغل اليوم صح

كل يوم الام تغرس في اولادها خلق للحبيب محمد صلى الله عليه وسلم بطريقة غير مباشرة ممكن انها تحكي لهم قصة ليها معنى لانها بتأثر جدا في الاطفال اكتر من التوجيه المباشر

تعود الاولاد على النظافة يوميا ياخد الاولاد حمام ويكون هدومهم نظيفة باستمرار

تحفيظ الاولاد قرآن يوميا وممكن تبتدي بقصار السور وخطوة خطوة الولد يمش في الحفظ باذن الله والحفظ يبتدي من سن 3 سنوات
تهتم انها تقدم الاكل الصحي يوميا الاولاد يشربو اللبن ويأكلو فاكهة وخضار وطبعا الوجبة الاساسية مع الاسرة ممكن تعود الاولاد على كوب ماء مذاب فيه معلقة عسل لتقوية المناعة وزيادة الذكاء ويكون كل يوم صباحا

تهتم بمذاكرتهم وتتابع معاهم كل الي اخدوه في المدرسة وتحمسهم دايما للتفوق وتعطي اجازة يوم في الاسبوع مافيهاش اي حاجة غير اللعب

اعطاء وقت يومي للطفل للعب او الكمبيوتر او ممارسة اي هواية لتشجيعه على تطوير ذكاءه ومايكونش عنده كبت
اغمري طفلك طول اليوم بالتشجيع والحب واحترام رأيه وافكاره عشان يكون شخصية قوية ويقدر يعبر عن نفسه ويقدر يعطي الحب هو كمان ليكي ولكل الناس

تعويد الاولاد على احترام الاب واحترام راحته والاحتفال بيه لما ييجي من الشغل


في جزئية ست بيت شاطرة جدا

تخليص شغل البيت في فترة الصباح والثوابت
الحمام يكون زي الفل طول النهار وهانقول باذن الله طرق تساعد على كدة
المطبخ يبات زي الفل وكل شئ يغسل وينظف اول باول
الملايات تتغير باستمرار
تهوية الشقة يومية والشمس تطهر البيت من الامراض
المحافظة على ترتيب الشقة باستمرار ايدك فيها
كل حاجة تتبهدل تتروق مباشرة وتخلي اولادك يساعدوكي انك تشجعيهم دايما على استخدام الباسكت
في نظافة اسبوعية وشهرية ودي باذن الله نشرحها بعدين بالتفصيل
يكون عندك دفتر صغير في المطبخ تحددي فيه كل يوم الاكلة الي هاتعمليها وممكن تعمليها قبلها بيوم عشان
تتأكدي ان كل مكوناتها عندك
ودفتر يتكتب فيه اول بأول الاشياء الي تنقص من البيت عشان تشتريها مرة واحدة
اشتري ديب فريزر او استخدمي فريزر التلاجة واتعلمي طريقةحفظ الاطعمة عشان توفر لك وقت
هانشرحها بالتفصيل باذن الله


في جزئية انسانة متميزة

كل يوم اعملي جسلة تأمل واسترخاء تريحي فيها ذهنك وتستعيدي طاقتك هانشرحا باذن الله تفصيليا
كل يوم باذن الله خصصي على الاقل نصف ساعة في تثقيف نفسك في اي شئ وياريت تبتدي بالثقافة الاسلامية او قراية كتاب مفيد
ادخلي كل يوم السرور على مسلم بأي طريقة لكن خلي هدف ان ما يعدي يوم الا لما تسعدي انسان
شوفي كل يوم عيب في شخصيتك وحاولي تعالجيه خطوة خطوة
يعني لو مثلا انتي عصبية ابتدي اتحكمي في عصبيتك وكظم الغيظ
اتعلمي الطناش لاي حاجة تافهة اوعي تضيعي وقتك طنشي فورا لاي استفزاز طنشي فورا
اتعلمي تغيري نظرتك للحياة انك عمرك ما تفكري في المشكلة فكرة فقط في الحل وده بشكل يومي لحد مايكون عادة
كلي يوم خمس دقايق من وقتك تتخيلي فيها اهدافك وانك حققتيها كلها وتعيشي السعادة في خيالك مع الايام باذن الله هاتتحقق وتكون واقع مش خيال
كل يوم فكري ازاي تطوري من اسرتك او تساعدي جوزك في عمل مشروع معين او تكملة دارسة ولما تجمعي افكار ناقشيها معاه يوم الاجازة

يوم الحفلة والاجازة

هايكون يوم فيه دلع وفرحة واحتفال وهاتخدي هدية من دفتر الانجازات يدفع تمنها جوزك طبعا او مامتك لو انتي لسة في بيت ماما او انتي من فلوسك الخاصة وباذن الله هانعرف ازاي يكون لك فلوس خاصة واليوم ده هايكون راحة شوية يعني هانجهز له قبلها عشان يكون معظم الشغل خلصان ويكون يوم جميييييييييييييل
باذن الله


حد عنده حاجات تاني يالا منظرة اضافاتكم
[glow=#ff0000] مع الشكر الجزيل للغاليه فيونكه حمرا [/glow]

مواضيع قد تعجبك:

• ازياء انيقه 2013 - اجمل الازياء الجديده 2013 - موضة الازياء الجديده 2013
• تبغى حياه زوجية سعيده ؟
• لحياة زوجيه سعيده
• مناسبات سعيده صور متحركه
• تصبحو على ألف خير ..أحلام سعيده..

منتديات شبكة حياة - المجلس العام

[اشجان الحسن]

تكملة البرنامج العملي المقترح

باذن الله الاستيقاظ هايكون قبل الفجر بنصف ساعة على الاقل ويبتدي اليوم مع الفجر
وفي فترة راحة وقيلولة بعد الظهر
والنوم بدري يعني على 11 باليل بالكتير باذن الله

مع كل انجاز يكون في مكافأة

كل يوم تحققي فيه الجدول كامل تستاهلي هدية من دفتر المكافآت

لو الانجاز كبير شوية يعني مثلا عملتي هدف انك تحافظي على صلاة الفجر طول الاسبوع ونجحتي
يكون المكافأة هي خروجة جمييييييييييلة مع اسرتك في مكان مميز عشان تتشجعي تكملي
او انك تشتري مثلا حاجة للبيت كنتي عاوزة تشتريها وهكذا

اما الانجازات الكبيرة يعني الالتزام التام بالجدول الاسبوعي والنجاح في تنفيذه تستاهلي بقى مكافأة اكبر وهكذا




مع جزيل الشكر لحبيبتى فيونكه على هذا الحجهود ونقلته للفائده لكل بيت

[ام بوسى]

بارك الله فيكي يااموله ونفع بيكي الاسلام والمسلمين فكره موفقه باذن الله تعالي ومنهج صحيحويارب نلتزم به كلنا علشان بيوتنا بيوت المسلمين ترجع لها السعاده والرضا اللهم امين وربنا يكتبها في ميزان حسناتك وانا ان شاء الله سوف امشي عليها حرفيا لعلي وعسي

[عطر الورد79]

[نرجس]

جزاك الله الف خير وجعله فى موازين حسناتك

[اشجان الحسن]

شكرا لمروركم على موضوعي وهذا شرف لي ووسام على صدري