جديد الفعاليات
دخول العضوات
10-13-2014, 03:45 PM
| المشاركة رقم: 1 | |||||||||||||||||||||||||||
| ||||||||||||||||||||||||||||
 تورتة فيونكات الشوكولاته من مطبخ الشيف مونى بالصورمكونات الكيكة الاسفنجية: نص كيلو دقيق سبونش فانيليا (وطبعا دقيق الاسبونش مضاف ليه البيكنج بودر والمحسن احنا هنضيف البيض والماء ومفيهوش مواد دهنية لأنه اسفنجى) 6 بيضات كبار نصف كوب ماء فانيليا مكونات الحشو: كوب ونصف كريم شانتى خام 2 الا ربع كوب ماء بارد 3 ملعقة كبيرة حليب بودرة 2 ملعقة كبيرة كاكاو خام 5 ملعقة كبيرة سكر بودرة (وطبعا ممكن نستبدل الحليب البودرة والماء البارد بحليب طبيعى) وللتزيين: ربع كيلو شوكولاته بيضاء لولى دهبى كريز احمر الطريقة: فى اناء هنحط دقيق الاسبونش  وهنحط معاه البيض والميه والفانيليا  وهنضربهم بمضرب البيض من مدة 5 ل7 دقايق متواصل لغاية مايتكاثف الخليط ويبقى قوامه كريمى ولونه ابيض  وهنحط الخليط فى صينية مدهونة   وهندخلها فرن حرارته هادية لغاية ماتستوى وطبعا كل شخص فرنه بيختلف عن التانى وهنختبر سواها قبل مانطلعها من الفرن  ونقلبها على ورق خبز  وندخلها التلاجة لمدة يوم كامل عشان لما نقسمها تبقى متماسكة وتانى يوم نطلعها ونجهز ادوات التقطيع والحشو  وانا عندى صينية تقسيم الكيكة اشترتها جديد حطيت الكيكة جواها وقسمتها ل3  وقسمنا الكيكة ل3  وهنبدأ نحضر الحشو هنحط كل مكونات الكريم شانتى مع بعض فى اناء  ونخفقهم بالمضرب لغاية مانوصل للقوام المطلوب  ونبدأ نحشى بيه الكيكة  ونغلفها من برة بالكريم شانتى  وهنعمل فيونكات الشوكولاته للتزيين هنجيب اى دوسيه بلاستيك بس البلاستيك بتاعه يكون قوى وهنقصه بأحجام متساوية اللى احنا هنحددها ونسيح الشوكولاته على حمام مائى ونحطها على البلاستيك اللى قصيناه ونطبقهم على بعض بالشكل ده  ونحطها فى التلاجة تجمد ولما نطلعها نستنى 5 دقايق ونشيل البلاستيك برفق عشان متتكسرش هتدينا شكل الفيونكة وبالنسبة للشوكولاته اللى فى الجنب بعد مانعمل شكل الفيونكات هنفرد بقية الشوكولاته السايحة على ورق خبز ونسيبها تجمد فى التلاجة ونطلعها نكسرها بإيدينا هتدينا شكل القطع الكبيرة وطبعا شكلها احلى بكتير من الشوكولاته المبشورة وبالنسبة لإننا استخدمنا دوسيه بلاستيك عشان نعمل شكل الفيونكة ده عشان مفيش حاجة توقفنا لكن طبعا فى بلاستيك مخصص بيتباع فى محلات خامات الحلويات عشان نعمل بيه الاشكال اللى بالشوكولاته وانا استخدمت الشوكولاته دى بتدى نتيجة هايلة وممكن اى نوع تانى طبعا تحبوه  بالنسبة للدقيق الاسبونش عشان فيه ناس كتير بتسألنى عنه انا بشترى السايب من محل خامات الحلويات ولو مش متوفر فى المحافظة اللى انتوا فيها ممكن تشتروا دقيق سبونش الطحان او بيتى كروكر وفيه نوع تونسى كويس اسمه فنواز كل الانواع دى متوفرة فى السوبر ماركت (طبعا انا بتكلم على داخل مصر لكن خارج مصر مش عارفة الأنواع بصراحة) وده شكل التورتة النهائى بعد التزيين     وده شكل الحشو من جوة  يارب موضوعى البسيط ده يكون عجبكم مواضيع قد تعجبك:
| ||||||||||||||||||||||||||||
 | ||||||||||||||||||||||||||||
 جديد المواضيع في قسم أطباق من صنع عضوات حياة |
| |
 |
| الكلمات الدلالية (Tags) |
| الشوكولاته , الشيف , بالصور , تورتة , فيونكات , مطبخ , من , مونى |
تورتة فيونكات الشوكولاته من مطبخ الشيف مونى بالصور
« ( كنافة - حنين الذكريات ~ )
|
الحلاوة الطحينية البيتى بأسهل طريقة وصلت من مطبخ الشيف مونى بالصور »
العرض العادي
| |
الساعة الآن 12:31 PM.