منتديات شبكة حياة

منتديات شبكة حياة (http://www.hayah.cc/forum/)
-   أطباق من صنع عضوات حياة (http://www.hayah.cc/forum/113/)
-   -   معمول السميد بالعجمية من مطبخ الشيف مونى بالصور (http://www.hayah.cc/forum/t148625.html)

الشيف مونى 07-21-2014 04:02 PM

معمول السميد بالعجمية من مطبخ الشيف مونى بالصور
 
السلام عليكم ورحمة الله
كل سنة وانتو طيبين
المعمول دايما بالعجوة او الفستق بس انا حبيت اعمل حاجة جديدة لأنى بحب طعم العجمية
مكونات المعمول:
3 ونصف كوب دقيق
2 كوب دقيق سميد
كوب ونصف سمنة بلدى
كوب حليب بودرة
كوب ماء دافىء
2 ملعقة صغيرة بيكنج بودر
2 ملعقة كبيرة سكر
ملعقة صغيرة محلب مطحون(المحلب بذور نبات شجرى بيعطى الحلويات والمعمول نكهة خاصة)
ملعقة صغيرة ماء زهر
مكونات العجمية:
كوب الا ربع عسل نحل
2 ملعقة كبيرة دقيق
2 ملعقة كبيرة سمنة
3 ملعقة كبيرة سمسم محمص
الطريقة:
فى اناء هنحط الدقيق الابيض ودقيق السميد مع بعض
http://www.hayah.cc/forum/img1434/ha...944178_946.jpg
ونخلطهم
http://www.hayah.cc/forum/img1434/ha...944181_684.jpg
ونسيح السمنة من غير ماتقدح وننزلها عليهم
http://www.hayah.cc/forum/img1434/ha...944182_216.jpg
ونقلبهم مع بعض كويس ونسيبهم ساعتين يرتاحوا فى مكان دافى
http://www.hayah.cc/forum/img1434/ha...944182_114.jpg
ونضيفلهم السكر والحليب البودرة والمحلب والبيكنج بودر
http://www.hayah.cc/forum/img1434/ha...944183_882.jpg
وده شكل المحلب قبل مانطحنه
http://www.hayah.cc/forum/img1434/ha...944183_787.jpg
وده بعد ماطحناه
http://www.hayah.cc/forum/img1434/ha...944183_327.jpg
ونقلب الخليط مع بعض
http://www.hayah.cc/forum/img1434/ha...944184_342.jpg
ونضيفله الميه الدافية وماء الزهر
http://www.hayah.cc/forum/img1434/ha...944184_163.jpg
ونقلبهم كويس لغاية ماتتكون عجينة
http://www.hayah.cc/forum/img1434/ha...944177_584.jpg
ونسيب العجينة لغاية مانجهز حشوة العجمية
وفيه ناس بتعمل المعمول بخميرة بالخميرة ينفع وبالبيكنج بودر ينفع بس انا جربت الاتنين ولقيت ان اللى بالبيكنج بودر احلى
هنجهز العجمية فى كسرولة هنحط السمنة والدقيق
http://www.hayah.cc/forum/img1434/ha...944177_438.jpg
ونقلبهم على نار هادية من غير مانحمصهم
http://www.hayah.cc/forum/img1434/ha...944178_264.jpg
واول مايمتزجوا ننزل عليهم عسل النحل
http://www.hayah.cc/forum/img1434/ha...944178_252.jpg
ونقلبهم كويس
http://www.hayah.cc/forum/img1434/ha...944179_994.jpg
ونسيبهم يغلوا
http://www.hayah.cc/forum/img1434/ha...944179_443.jpg
http://www.hayah.cc/forum/img1434/ha...944179_772.jpg
والنار شغالة هنحط السمسم المحمص
http://www.hayah.cc/forum/img1434/ha...944180_864.jpg
ونقلب السمسم معاهم ونطفى النار
http://www.hayah.cc/forum/img1434/ha...944180_906.jpg
ونسيبها تبرد وده شكلها بعد مابردت
http://www.hayah.cc/forum/img1434/ha...944181_841.jpg
ونعملها كور صغيرة عشان نجهزها للحشو
http://www.hayah.cc/forum/img1434/ha...944181_102.jpg
ولو حسينا انها هتسيح عشان احنا فى صيف هنحطها فى التلاجة
تااااااااااااااااااابعونى

الشيف مونى 07-21-2014 04:05 PM

رد: معمول السميد بالعجمية من مطبخ الشيف مونى بالصور
 
وان لقينا العجمية بتلصق فى ايدينا نحط شوية زيت فى ايدينا
هنبدأ نحشى المعمول هناخد قطعة من عجينة المعمول ونكورها
http://www.hayah.cc/forum/img1434/ha...944357_966.jpg
ونعمل وسطها حفرة
http://www.hayah.cc/forum/img1434/ha...944357_651.jpg
ونحط فيها كورة من كور العجمية اللى جهزناها
http://www.hayah.cc/forum/img1434/ha...944357_561.jpg
ونقفل عليها كويس
http://www.hayah.cc/forum/img1434/ha...944358_380.jpg
ونحضر مكابس المعمول اللى هنشتغل بيها
http://www.hayah.cc/forum/img1434/ha...944358_757.jpg
نحط المعمول جواها ونضغط عليها
http://www.hayah.cc/forum/img1434/ha...944359_447.jpg
وننزل المعمول من المكبس برفق فى صينية مدهونة
http://www.hayah.cc/forum/img1434/ha...944359_220.jpg
ونرص المعمول فى الصينية
http://www.hayah.cc/forum/img1434/ha...944356_288.jpg
هنخبزه فى فرن حرارته عالية ونطلعه لما وشه يحمر ويستوى

وده شكله بعد ماطلع من الفرن
http://www.hayah.cc/forum/img1434/ha...944360_704.jpg
http://www.hayah.cc/forum/img1434/ha...944360_100.jpg
http://www.hayah.cc/forum/img1434/ha...944361_797.jpg
وده شكل حشوة العجمية جوة المعمول
http://www.hayah.cc/forum/img1434/ha...944361_453.jpg
دى طريقة من الطرق الكتير للمعمول انتو اختاروا الاسهل بالنسبالكم

يارب موضوعى البسيط ده يكون عجبكم


الساعة الآن 06:03 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO