قراقيش بالعجوة وبالملبن من مطبخ الشيف مونى بالصور السلام عليكم ورحمة الله كل سنة وانتوا طيبين ده اول موضوع يخص حلويات العيد ان شاء الله والمكونات كالتالى: كيلو وربع دقيق 4 كوب زبدة 2 وربع كوب حليب 2 ملعقة كبيرة شمر وشبت وينسون مطحون 2 ملعقة كبيرة بيكنج بودر نصف كوب سكر بيضة وفانيليا لدهان الوجه سمسم للوجه للحشو: عجوة ملبن الطريقة: اول حاجة دى صورة الشمر والشبت والينسون مطحونين http://www.hayah.cc/forum/img1434/ha...521623_165.jpg هننخل الدقيق ونقدح الزبدة وننزل بيها على الدقيق http://www.hayah.cc/forum/img1434/ha...521625_997.jpg ونقلبهم مع بعض كويس احنا بنقول فى مصر نبس العجينة عشان الدقيق يشرب كل كمية الزبدة http://www.hayah.cc/forum/img1434/ha...521626_801.jpg ونسيبها تبرد خالص ونضيفلهم السكر والبيكنج بودر والشبت والشمر والينسون المطحونين http://www.hayah.cc/forum/img1434/ha...521626_637.jpg ونقلبهم مع بعض كويس http://www.hayah.cc/forum/img1434/ha...521627_131.jpg ونضيفلهم الحليب http://www.hayah.cc/forum/img1434/ha...521627_539.jpg ونعجنهم كويس جدا لغاية ماالعجينة تبقى كتلة واحدة http://www.hayah.cc/forum/img1434/ha...521628_778.jpg ونسيب العجينة ترتاح لمدة نص ساعة ونبدأ نشكلها هنجيب جزء من العجينة نفرده على شكل مستطيل ونبرم بايدينا قطعة عجوة ونحطها فى النص http://www.hayah.cc/forum/img1434/ha...521628_334.jpg ونفس الطريقة هنعملها مع الملبن http://www.hayah.cc/forum/img1434/ha...521628_666.jpg ونلف المستطيل ده على شكل رول http://www.hayah.cc/forum/img1434/ha...521622_203.jpg ونقطعه http://www.hayah.cc/forum/img1434/ha...521623_506.jpg فيه طريقة تانيه وهى اننا ناخد قطعة كبيرة من العجينة ونفردها بالنشابة ونحط عليها قطعة كبيرة من العجوة او الملبن نفس حجمها او اقل حاجة بسيطة http://www.hayah.cc/forum/img1434/ha...521623_115.jpg ونحط عليها قطعة تانى من العجينة نفس حجمها يعنى العجوة او الملبن تبقى فى النص ونساوى الاطراف بالسكينة http://www.hayah.cc/forum/img1434/ha...521624_855.jpg ونقطعها بالقطاعة اللى عايزنها هتدينا شكل جميل http://www.hayah.cc/forum/img1434/ha...521624_355.jpg ونرصها فى الصوانى وندهن وشها بالبيض والفانيليا ونرش عليها سمسم ونخبزها فى فرن حرارته عالية ونكون مسخنينه قبل كده وده شكلها بعد ماطلعت من الفرن http://www.hayah.cc/forum/img1434/ha...521625_376.jpg http://www.hayah.cc/forum/img1434/ha...521625_749.jpg يارب موضوعى البسيط ده يكون عجبكم |
الساعة الآن 12:35 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO