ليالى لبنان بأسهل طريقة من مطبخ الشيف مونى بالصور
 

السلام عليكم ورحمة الله
كل عام وانتم بخير
المكونات:
كيلو حليب
كوب سكر
كوب دقيق سميد
2 ملعقة صغيرة ماء ورد
للتزيين:
سيرب(السيرب هو نفسه القطر او الشربات او الشيرة)
كريز
فستق مجروش
الطريقة
هنحط كل المكونات مع بعض فى كسرولة ماعدا ماء الورد
http://www.hayah.cc/forum/img1434/ha...438035_430.jpg
ونقلبهم على البارد ونشغل عليهم نار هادية ونفضل نقلبهم لغاية مادقيق السميد يستوى ويتكاثف الخليط
http://www.hayah.cc/forum/img1434/ha...438036_885.jpg
نطفى النار ونضيف ماء الورد ونحط الخليط فى صينية مدهونة
http://www.hayah.cc/forum/img1434/ha...438036_813.jpg
نحطه فى التلاجة لغاية مايجمد وقبل التقديم نقطعه ونحط عليه السيرب
بالنسبة لليالى لبنان فيه ناس بتحط مع المكونات بيضة بس انا شايفة ان كده احلى وفيه ناس بردو قبل التزيين بتحط قشطة بوك بس زى ماقلتلكم حبيت اعملها بأبسط طريقة وممكن متحطوش سيرب حسب رغبتكم
وده شكلها بعد التزيين
http://www.hayah.cc/forum/img1434/ha...438037_995.jpg
يارب موضوعى البسيط ده يكون عجبكم

رد: ليالى لبنان بأسهل طريقة من مطبخ الشيف مونى بالصور
 

يالله يشهي وبقوة :$
تسلم هاليمين :$