تورتة السبت ووردات الفوندان الملونة من مطبخ الشيف مونى بالصور
 

السلام عليكم ورحمة الله
انا دايما لما بعمل تورتات
بستخدم دقيق الاسبونش الجاهز بس فيه ناس كتير بعتولى وقالولى انه مش متوفر عندهم او فى المكان اللى هما عايشين فيه فعشان كده حبيت اعمل الكيكة الاسفنجية بالطريقة الكلاسيكية فى البيت وطريقتها سهلة جدا واى حد يقدر يعملها
مكونات الكيكة:
2 كوب الا ربع دقيق

ربع كوب نشا
كوب سكر
5 بيضات كبار
ملعقة ونصف صغيرة بيكنج بودر
ملعقة صغيرة فانيليا سايلة
وطبعا لازم المكونات كلها تكون بدرجة حرارة الغرفة

مكونات الحشو والتغليف:
2 كوب كريم شانتى
خام
5 ملعقة كبيرة لبن بودرة
5 ملعقة كبيرة سكر بودرة
2 كوب ماء مثلج
نصف ملعقة صغيرة لون طعام اخضر بودرة
وللتزيين هنحتاج:
عجينة فوندان ملونة
الطريقة
بالنسبة للكيك اول حاجة فى إناء هنحط البيض مع الفانيليا
http://http://i56.servimg.com/u/f56/16/73/51/37/115.jpg
ونضربهم بالمضرب الكهربائى لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى
http://www.hayah.cc/forum/img1434/ha...602840_296.jpg
ونحط عليهم كل كمية السكر
http://www.hayah.cc/forum/img1434/ha...602846_117.jpg
ونضربهم على اقصى سرعة لمدة لاتقل عن 10 دقايق متواصل
http://www.hayah.cc/forum/img1434/ha...602846_926.jpg
لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب

http://http://i56.servimg.com/u/f56/16/73/51/37/514.jpg
وهننخل الدقيق والنشا والبيكنج بودر ونحطهم على الخليط(والنشا فايدته انه بيدى طراوة للكيكة)

http://www.hayah.cc/forum/img1434/ha...602849_959.jpg
ونقلبهم من فوق لتحت بالأسباتيولا وبرفق

http://http://www.servimg.com/u/f56/16/73/51/37/713.jpg
لغاية ماتختفى كل كمية الدقيق ونحطها فى صينية مدهونة

http://http://www.servimg.com/u/f56/16/73/51/37/814.jpg
وخبزتها فى فرن منخفض الحرارة وطبعا كل واحدة فرنها يختلف عن التانى واختبرتها وطلعتها

http://www.hayah.cc/forum/img1434/ha...602849_748.jpg
ونقلبها على ورق خبز

http://http://i56.servimg.com/u/f56/...51/37/1013.jpg
وسبتها فى التلاجة لمدة يوم كامل عشان تتماسك
وجهزت ادوات التقطيع والحشو

http://www.hayah.cc/forum/img1434/ha...602837_855.jpg
وقسمتها ل3
http://www.hayah.cc/forum/img1434/ha...602837_249.jpg
وطبعا الكيك الإسفنجى ليه طرق كتيييييييييييير جدا متتعدش بس انا حبيت اعملها بأسهل واسرع طريقة
وهنجهز
الحشو هنحط المكونات كلها على بعض

http://http://i56.servimg.com/u/f56/...51/37/1314.jpg
ونخفقهم كلهم لغاية مانحصل على قوام الكريم شانتى المطلوب واللون كمان نشوف اذا كان محتاجين نزوده او لاء

http://http://i56.servimg.com/u/f56/...51/37/1413.jpg
وبالنسبة للون انا اخترته لأنى حبيت اغير عشان دايما ابيض او شوكولاته وطبعا تقدروا تغيروا للون اللى بتحبوه
وهنبدأ نحشى الكيكة
ونقدر نحط عليها سيرب او مربى قبل مانحط عليها الكريم شانتى ده حسب رغبتكم

http://http://i56.servimg.com/u/f56/...51/37/1513.jpg
وهنغلفها بالكريم شانتى وهنمشى عليها من فوق بالشوكة او بمشط الحلويات المشرشر

http://http://i56.servimg.com/u/f56/...51/37/1613.jpg
وهنستخدم القمع المشرشر عشان نعمل شكل السبت

http://www.hayah.cc/forum/img1434/ha...602838_754.jpg
بالنسبة لشكل السبت هنعمل خطوط رأسية

http://www.hayah.cc/forum/img1434/ha...602838_860.jpg
وهنمشى عليها بالخطوط الأفقية هنمشى على عمود ونسيب اللى بعده وهكذا وصف الخطوط الأفقية التانى هيبقى عكس اللى فوقه عشان يدينا شكل السبت

http://www.hayah.cc/forum/img1434/ha...602839_583.jpg
ولازم العواميد الرأسية يكون عددها زوجى عشان اخر عمود يقفل مع اول عمود
وهيدينا شكل السبت على جناب التورتة

http://http://i56.servimg.com/u/f56/...51/37/2013.jpg
كده خلصنا الجزء الرئيسى وهنيجى لأخر جزء فى التزيين هنجيب عجينة الفوندان الملونة اللى عندنا ونختار الألوان اللى عايزنها

http://www.hayah.cc/forum/img1434/ha...602840_115.jpg
بالنسبة لعجينة الفوندان انا بشتريها جاهزة وبلونها فى البيت ده لما مش بلاقى الملونة بس طبعا الأسهل انكم تشتروا الملونة جاهزة لأن تلوينها بياخد منى وقت كبير ومجهود وهنجيب قطاعات الفوندان البلاستيك اللى هتدينا شكل الورد
http://www.hayah.cc/forum/img1434/ha...602841_649.jpg
http://http://i56.servimg.com/u/f56/...51/37/2311.jpg
وهنفرد عجينة الفوندان على نشا ونضغط عليها بالقطاعات
http://www.hayah.cc/forum/img1434/ha...602842_357.jpg
بالنسبة لعجينة الفوندان فيه ناس كتير بتشتكى انها بتكون معاهم مفتفتة او ناشفة جدا الحل انكم تسخنوها على حمام مياه زى مابنسيح الشوكولاته وبمجرد ماتسخن وتبقى طرية نشيلها ونعجنها بإيدينا هترجع معانا زى اول ماشتريناها وهتبقى قطعة واحدة وطرية
انا حطيت الورد وكتبت على التورتة بنفس عجينة الفوندان لأن التورتة دى صديقتى طلبت منى اعملها لوالدتها
وده شكلها النهائى
http://www.hayah.cc/forum/img1434/ha...602843_237.jpg
http://www.hayah.cc/forum/img1434/ha...602844_235.jpg
http://www.hayah.cc/forum/img1434/ha...602844_387.jpg
http://www.hayah.cc/forum/img1434/ha...602845_564.jpg
ودى بعد ماقسمتها

http://www.hayah.cc/forum/img1434/ha...602846_526.jpg
يارب موضوعى البسيط ده يكون عجبكم

رد: تورتة السبت ووردات الفوندان الملونة من مطبخ الشيف مونى بالصور
 

جزاكي الله خيرا مع إني بفضل إستخدام كل شيء صحي جدا والكيك شكلها رائع فبارك الله فيكي مجهود فهيلة وجزاكي الله كل الخيرابجد بنتعلم منك كثير وإن شاء الله بجرب أعملها الكيك

رد: تورتة السبت ووردات الفوندان الملونة من مطبخ الشيف مونى بالصور
 

يسلمو الايـــــــــادى