تورتة نجوم الشوكولاته من مطبخ الشيف مونى بالصور
 

السلام عليكم ورحمة الله
التورتة دى بصراحة ملقتلهاش اسم فسمتها تورتة نجوم الشوكولاته على اساس ان فيها نجوم
مكونات الكيك الإسفنجى:
نصف كيلو دقيق سبونش (مضاف ليه كل شىء ماعدا البيض والمياه)
5 بيضات كبار
نصف كوب مياه
مكونات الحشو:
ربع كيلو كريم شانتى خام
ربع كوب حليب بودرة
5 معالق كبار سكر بودرة
ماء مثلج
مكونات صوص الشوكولاته:
كوب ونصف كاكاو نسكويك
كوب الا ربع سكر
كوب ماء
2 ملعقة كبيرة زبدة
2 ملعقة كبيرة عسل جلوكوز(ممكن استبداله بعسل نحل او سيرب تقيل)

وللتزيين هنحتاج:
ورقة ترانسفير

نصف كيلو شوكولاته
لولى الوان

اول حاجة هنحط دقيق الاسبونش فى بولا ويفضل يكون بحرارة الغرفة
http://www.hayah.cc/forum/img1434/ha...399235_994.jpg
ونضيفله البيض والماء
http://www.hayah.cc/forum/img1434/ha...399242_664.jpg
ونضربهم على اقصى سرعة بالمضرب الكهربائى لمدة لاتقل عن 7 دقايق متواصل وهنلاقى قوامه تكاثف وبقى كريمى
http://www.hayah.cc/forum/img1434/ha...399245_670.jpg

http://www.hayah.cc/forum/img1434/ha...399246_210.jpg
ونحط خليط الكيك فى صينية مقاس 24 وممكن 26

http://www.hayah.cc/forum/img1434/ha...399246_102.jpg
ونخبزها فى الفرن انا بساويها فى فرن هادى وطبعا كل واحد فرنه بيختلف عن التانى وطبعا هنختبرها قبل مانطلعها

http://www.hayah.cc/forum/img1434/ha...399247_385.jpg
ونقلبها على ورق خبز
http://www.hayah.cc/forum/img1434/ha...399247_297.jpg
ونسيبها فى التلاجة لمدة يوم كامل وتانى يوم نجهز ادوات التقطيع والحشو بتاعتنا

http://www.hayah.cc/forum/img1434/ha...399247_851.jpg
ونقسم الكيكة لتلاته
http://www.hayah.cc/forum/img1434/ha...399248_731.jpg
وفى الوقت ده هنكون جهزنا الكريم شانتى بس مش هنحشى بيه الكيكة هنجهز صوص الشوكولاته
هنحط السكر والميه على النار

http://www.hayah.cc/forum/img1434/ha...399234_538.jpg
وبمجرد مايدوب السكر هنضيفلهم الكاكاو

http://www.hayah.cc/forum/img1434/ha...399235_815.jpg
ونقلب بالويسك كويس كل ده والنار شغالة ولما يدوب الكاكاو هنضيف الزبدة

http://www.hayah.cc/forum/img1434/ha...399236_977.jpg
ونضيف اخر حاجة عسل الجلوكوز
http://www.hayah.cc/forum/img1434/ha...399236_877.jpg
ونقلبهم كويس ونسيبهم على النار واول مايغلى نرفعه من على النار

http://www.hayah.cc/forum/img1434/ha...399237_250.jpg
ونسيبه يبرد او نحطه فى التلاجة لغاية مايبرد ونضيف جزء منه على الكريم شانتى اللى عملناه

http://www.hayah.cc/forum/img1434/ha...399238_393.jpg
ونضربهم بالمضرب عشان يمتزجوا

http://www.hayah.cc/forum/img1434/ha...399238_690.jpg
ونبدأ نحشى بيه الكيكة ونغلفها

http://www.hayah.cc/forum/img1434/ha...399239_654.jpg
ونحطها فى التلاجة لمدة لاتقل عن ساعة ولما تخرج نبدأ نغلفها بصوص الشوكولاته اللى عملناه بس لازم يكون بارد والكيكة باردة
http://www.hayah.cc/forum/img1434/ha...399239_221.jpg
وهنجيب ورق مخصوص للحلويات ومطبوع عليه رسومات مختلفة اسمه شيت ترانسفير وهنقسمه بالنص عشان الشغل بيه يبقى سهل علينا

http://www.hayah.cc/forum/img1434/ha...399240_272.jpg
وهنجيب شوكولاته نوعها كويس
النوع ده كويس او اى نوع تانى

http://www.hayah.cc/forum/img1434/ha...399241_427.jpg
ونقطعها او نبشرها ونسيحها على حمام ميه ونفردها عليه وورقة الترانسفير الواحدة بتاخد نصف كيلو شوكولاته

http://www.hayah.cc/forum/img1434/ha...399242_832.jpg
والمفروض الشوكولاته متبقاش سخنة اوى هنسيبها لما تجمد عليه بس مندخلهاش التلاجة لأنها لو جمدت اوى وجينا نشتغل بيها هتتكسر مننا
وهنجيب شكل النجمة ويستحسن تكون معدن او استلس مش بلاستيك وهنضغط بيها على الشوكولاته هتطلعلنا شكل نجمة مطبوعة زى اللى انتو شايفنها على التورتة
http://www.hayah.cc/forum/img1434/ha...399243_862.jpg
وكمان جبت شكل دايرة صغيرة شكلت بيها
http://www.hayah.cc/forum/img1434/ha...399243_204.jpg
طبعا المفروض صوص الشوكولاته يبقى مع اسبونش كاكاو مش فانيليا بس بصراحة انا بحب طعم سبونش الفانيليا مع صوص الشوكولاته
وده شكلها النهائى

http://www.hayah.cc/forum/img1434/ha...399244_912.jpg

http://www.hayah.cc/forum/img1434/ha...399244_323.jpg

وهنا بعد ماقسمتها

http://www.hayah.cc/forum/img1434/ha...399245_925.jpg
يارب موضوعى البسيط ده يكون عجبكم

رد: تورتة نجوم الشوكولاته من مطبخ الشيف مونى بالصور
 

يسلمو الايادى