منتديات شبكة حياة

منتديات شبكة حياة (http://www.hayah.cc/forum/)
-   أطباق من صنع عضوات حياة (http://www.hayah.cc/forum/113/)
-   -   الفطير المشلتت للمبتدئات من مطبخ الشيف مونى بالصور (http://www.hayah.cc/forum/t146102.html)

الشيف مونى 02-20-2014 03:54 PM

الفطير المشلتت للمبتدئات من مطبخ الشيف مونى بالصور
 
السلام عليكم ورحمة الله

طبعا محدش فينا مش بيحب الفطير المشلتت وخصوصا الريف المصرى مشهور بيه جدا وبلاقى ناس كتير جدا بتسأل على طريقته هو ليه طرق كتير بس ان شاء الله هحاول اقدمه بطريقة بسيطة عشان اى واحدة معملتوش قبل كده تقدر تعمله هو مقاديره بسيطه جدا عبارة عن مياه ودقيق بس الأساس فيه العجينة وطريقة فردها

بالنسبة للمكونات هتكون

3 كوب دقيق ابيض

كوب وربع مياه(او على حسب مايحتاج الدقيق)

معلقة كبيرة زيت

5 معالق كبيرة سمنة بلدى(طبعا فيه ناس بتستخدم زبدة وفيه ناس بتخلط السمنة بزيت بس انا بحب استخدم سمنة بلدى صافى)

الطريقة

فى إناء هنحط الدقيق والمياه
http://www.hayah.cc/forum/img1434/ha...897288_516.jpg
ونعجنهم كويس لحد ماتتكون معانا عجينة متماسكة ونزود مياه او دقيق حسب ماتحتاج العجينة وعجينة الفطير مش ناشفة اوى بس فى نفس الوقت مش طرية يعنى مش بتلصق فى الايد
http://www.hayah.cc/forum/img1434/ha...897294_781.jpg
ونحط عليهم الزيت ونعجنهم لغاية مايختفى ونقسمهم كور صغيرة بس فيه كورة واحدة هنخليها اكبر من الكل عشان دى اللى هنلم فيها العجينة فى الاخر
http://www.hayah.cc/forum/img1434/ha...897298_382.jpg
نغطيها ونسيبها ترتاح لمدة ساعة ودى خطوة مهمة جدا عشان نتيجة الفرد تكون مضمونة


وبعد الساعة هنمسك العجينة ونشدها هنلاقيها بتمط معانا وده المطلوب
http://www.hayah.cc/forum/img1434/ha...897299_966.jpg
هنجيب السمنة
http://www.hayah.cc/forum/img1434/ha...897299_860.jpg
هنسيحها على النار بس مش هتبقى سخنة يعنى مش هنقدحها وطبعا كمية السمنة دى ممكن تقللوها حسب رغبتكم وحبكم للدهون
http://www.hayah.cc/forum/img1434/ha...897300_507.jpg
هنجيب اى كورة من اللى قطعناهم وندهن الترابيزة اللى هنشتغل عليها زيت ونبدأ نفردها بإيدينا
http://www.hayah.cc/forum/img1434/ha...897300_526.jpg
ونفضل نفرد فيها لغاية ماتبقى رفيعة جدا وطبعا ممكن نستخدم النشابة عشان تساعدنا فى عملية الفرد
http://www.hayah.cc/forum/img1434/ha...897301_681.jpg
يعنى تبقى رفيعة لدرجة تبقى شفافة ايدينا تظهر تحتها وده اساس الفطير المشلتت
http://www.hayah.cc/forum/img1434/ha...897301_660.jpg
هندهن العجينة بالسمنة اللى سيحناها ونطوى منها جزء
http://www.hayah.cc/forum/img1434/ha...897287_776.jpg
وطبعا كل جزء نطويه منها ندهنه سمنة
http://www.hayah.cc/forum/img1434/ha...897287_189.jpg
http://www.hayah.cc/forum/img1434/ha...897289_471.jpg
لغاية مانقفلها وتكون على شكل ظرف
http://www.hayah.cc/forum/img1434/ha...897289_511.jpg
http://www.hayah.cc/forum/img1434/ha...897290_759.jpg
هنركنه جانبا وندخل على الكورة اللى بعدها نبدأ نفردها وندهنها سمنة بس قبل مانطوى اى جزء منها هنحط فيها العجينة اللى فردناها قبل كده اللى على شكل ظرف
http://www.hayah.cc/forum/img1434/ha...897290_469.jpg
ونبدأ نطويها بنفس الخطوات اللى فاتت الفرق ان هيكون جواها العجينة اللى حضرناها قبل كده
http://www.hayah.cc/forum/img1434/ha...897291_321.jpg
وبردو كل جزء نطويه هندهنه سمنة
http://www.hayah.cc/forum/img1434/ha...897292_794.jpg
وبردو هتبقى على شكل ظرف
http://www.hayah.cc/forum/img1434/ha...897292_687.jpg
وهكذا هنعمل مع كل كورة لغاية مانوصل لأكبر كورة دى اخر واحدة هنفردها لأن طبعا الظرف بتاعنا هيكون كبر وهنحط العجينة فى صينية مدهونة

حطتها فى صينية مقاس 24
http://www.hayah.cc/forum/img1434/ha...897293_402.jpg
ونسيبها ساعة ترتاح قبل مانفردها فى الصينية عشان تتفرد معانا بسهولة وبعد مافردتها حطيت على الوش قشطة حليب لأن القشطة بتخلى الوش بيلمع وطرى بس الخطوة دى اختيارى مش كل الناس بتحب تحط قشطة
http://www.hayah.cc/forum/img1434/ha...897293_823.jpg
وطبعا الفطير المشلتت لازم يتخبز فى فرن عالى الحرارة ومسخن مسبقا وبعد مرور تلت ساعة هنلاقيه ارتفع جدا فى الفرن وده دليل على نجاحه
http://www.hayah.cc/forum/img1434/ha...897294_148.jpg
ولما يستوى نخرجه من الفرن بس قبل مانحطه فى طبق التقديم هنغطيه بطبق عشان يفضل طرى وبعدين ناكله بالهنا والشفا

وده كان فطارى زى الفطار فى الريف المصرى فطير مشلتت ومش وعسل نحل وعسل اسود ومكن تزودو بيض مسلوق كمان وده بصراحة احلى فطار الواحد يفطره وعندنا فى مصر فى الفلاحين مش بيقولوا فطير مشلتت بيقولوا مشلتت على طول والرئيس المصرى انور السادات الله يرحمه لما كان بيروح بلده فى الفلاحين فى محافظة المنوفية كان بيفطر كده
http://www.hayah.cc/forum/img1434/ha...897295_408.jpg
http://www.hayah.cc/forum/img1434/ha...897295_206.jpg
وطبعا الفطير لازم يكون مورق من جوة يعنى طبقات كتير فوق بعض
http://www.hayah.cc/forum/img1434/ha...897296_299.jpg
http://www.hayah.cc/forum/img1434/ha...897296_583.jpg
http://www.hayah.cc/forum/img1434/ha...897297_338.jpg
يارب موضوعى البسيط ده يكون عجبكم

سوكراَ 02-20-2014 11:44 PM

رد: الفطير المشلتت للمبتدئات من مطبخ الشيف مونى بالصور
 
موني يمي يمي :$
ايش هالفن :$
يختي يشششششششششششهي :$
الله يسعدك على الوصفة :$
سلمت يمناكي :$

الزهراء2 02-21-2014 11:31 PM

رد: الفطير المشلتت للمبتدئات من مطبخ الشيف مونى بالصور
 
روعة تسلم ايدك وجزاك الله عنا خيرا

اهل مصر 03-19-2014 12:07 PM

رد: الفطير المشلتت للمبتدئات من مطبخ الشيف مونى بالصور
 
مشكوووووووووووووووووووووو ووررررررررررررررر

أميمة سليم 03-19-2014 03:04 PM

رد: الفطير المشلتت للمبتدئات من مطبخ الشيف مونى بالصور
 
جزاكي الله خيرا رائع تسلم إيدك وبارك الله فيكي سهلة طريقتك قوي تسلملنا مجهود مشكووور بس بصراحة أنا لما هعملو هعملوا بشوية تعديلات عليها بحث أخليه ما بيتخنش قوي وفي نفس الوقت صحي زي مثلا أعملو بالزيت مع حتة ثمن صغيره كده يعني .بجد شكلوا يفتح النفس ربنا يخليكي لينا وتعلمينا حاجات حلوة ثانيه كثير اللهم آميييين وربنا يجعلوا في ميزان حسناتكhttp://up.hayah.cc/images/2014/01/27/ebLXA7.png

mero252 06-16-2014 05:12 PM

رد: الفطير المشلتت للمبتدئات من مطبخ الشيف مونى بالصور
 
مشــــــــكورة


الساعة الآن 08:27 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO