الراتب مايكفي حاجه

سوكراَ · 08-15-2013, 09:02 PM

بدر الضبعان

افكار ووزن وقافية تتشكل حسب النفسية
مباشر تقليدي خالي من تركيبات شعرية
ملينا نرسم بالصورة ترميزات ايحائية
جينا نعلنها ونقولة من شرقية لي غربية
الراتب مايكفي الحاجة وهموم العالم منسية
فايضنا لاشفنا ارقامه فزينا بالميزانية
لكن طار الثاني ليلة لاهاذي ولا هاذية
شعب هد الدين احوالة والدولة ماهيب فقرية
تعطي المغرب قلنا عادي ذي دولة استثنائية
لبنان ودولة تستاهل كله دلال وحنية
حتى الاردن دم وجيره وعلاقاتنا مو عادية
ومليارات لمصر ترفرف حتى المليارات شوية
وحنا فينا ناس جوعا تدور فضلة مرمية
وناس بلشانه بيجارة وناس بديونه مبلية
وناس ماتلقا عيشتها في اكبر دولة نفطيه
وحنا يومن تطلبنا الدولة لاثار غبار الهيا
جينا نرمي الروح وناقف جوية ولا بحرية
ياداري خلك في صفي قومي واعطينا شوية
ياداري عهدن ماخونك بس حسي ياداري فية

مواضيع قد تعجبك:

منتديات شبكة حياة - القصائد و الشعر