منتديات شبكة حياة - كنافة بالمانجة من مطبخ الشيف مونى بالصور

السلام عليكم ورحمة الله
كل عام وانتو بخير وسلامة
عيد سعيد عليكم
وان شاء الله العيد القادم يكون ربنا فرج كرب مصر وسوريا
طبعا مش معقول معملش أى حلويات بالمانجة وانا عايشة فى بلد المانجة(مدينة الاسماعيلية) فعملت كنافة بالمانجة بسيطة جدا فى مكوناتها وطريقتها
ومكوناتها كالتالى:
600 جرام مانجة عويسى(او اى نوع تانى)
نصف كيلو كنافة
كوب سمنة سايحة
كوب سيرب تقيل بارد(السيرب هو الشربات او القطر او الشيرة)
كريم شانتى
الطريقة
هنحمر الكنافة فى السمنة السايحة على نار البوتاجاز(وممكن فى الفرن) ولما تاخد اللون الدهبى هنطفى عليها ونحط عليها السيرب البارد ونقلبها كويس
هيبقى شكلها كالتالى
http://www.hayah.cc/forum/img1434/ha...218262_510.jpg
وهنقسم الكنافة نصفين
النصف الاولانى هنحطه فى الصينية ونضغط عليه كويس جدا
http://www.hayah.cc/forum/img1434/ha...218262_783.jpg
هنبدأ نعمل الكريم شانتى عشان نحشيها
هناخد نصف كمية المانجة اللى عندنا ونضربها فى الخلاط من غير سكر مع نقطتين مياه عشان تكون مركزة
http://www.hayah.cc/forum/img1434/ha...218263_569.jpg
وهنحط على عصير المانجة بودرة كريم شانتى خام وسكر بودرة ولبن مثلج ونضربهم كويس
http://www.hayah.cc/forum/img1434/ha...218263_874.jpg
ونبدأ نحط الكريم شانتى على الكنافة
http://www.hayah.cc/forum/img1434/ha...218263_376.jpg
وبقية كمية المانجة اللى عندى قطعتها عشان احشى بيها الكنافة وازين بيها الوجه
http://www.hayah.cc/forum/img1434/ha...218264_870.jpg
ونحط عليهم نصف الكنافة التانى ونضغط عليهم كويس
http://www.hayah.cc/forum/img1434/ha...218264_761.jpg
حطيت صينية الكنافة فى الفريزر عشان تتماسك وينفع اقلبها فى طبق التقديم
ولو متقلبتش فى الطبق معاكم بسهولة هاتو قطعة قماش مبلولة مياه سخنة ومرروها على الصينية من فوق هتتقلب معاكم بسهولة
وطبعا التزيين ده حسب الرغبة
http://www.hayah.cc/forum/img1434/ha...218265_862.jpg

http://www.hayah.cc/forum/img1434/ha...218266_368.jpg

وده شكلها من جوة بعد ماقطعتها
http://www.hayah.cc/forum/img1434/ha...218261_182.jpg
ملحوظة:طبعا الكنافة مستوية لأننا حمرناها مع السمنة على النار عشان فيه ناس بتفتكر عشان مدخلتش الفرن تبقى نية والكلام ده مش مظبوط خالص وفيه ناس بتعمل الوصفة دى بطرق مختلفة زى مثلا انها بتحط على الكنافة سكر بودرة وتعملها ديسك وتدخلها الفرن والحشو بيبقى كريم باتسيير او باسترى كريم بس انا حبيت اعملها بطريقة ابسط وأسهل
ويارب موضوعى البسيط ده يكون عجبكم