قطايف سورية بالقشطة من مطبخ الشيف مونى بالصور
 

السلام عليكم ورحمة الله
اليوم ان شاء الله هقدملكم القطايف السورية
طبعا هى تفرق عن القطايف المصرية انها نية مش مقلية فى الزيت واعتقد ان مدينة حلب مشهورة بالأكلة دى (فرج الله عن سوريا واهل سوريا)
بس يمكن اللى يفرق ان اهل سوريا بيحطو دقيق سميد على عجينة القطايف وانا محطتش
اول شىء مقادير عجينة القطايف:
2 كوب دقيق ابيض
2 كوب ماء دافىء
2 ملعقة كبيرة سكر
نصف ملعقة صغيرة خمية فورية
نصف ملعقة صغيرة بيكنج بودر
ذرة ملح
مقادير القشطة:
علبة قشطة بوك(170 جرام)
2 كوب لبن حليب بارد
3 ملعقة كبيرة نشا
ملعقة صغيرة فانيليا(وممكن استبدالها بماء ورد)
وللتزيين:
بندق مجروش
عسل نحل
اولا هنعمل عجينة القطايف
فى بولا هنحط الدقيق والبيكنج بودر وذرة الملح
http://www.hayah.cc/forum/img1434/ha...897659_606.jpg

وفى بولا تانية هنحط الخميرة والسكر والمياه مع بعض ونخلطهم ونضيفهم على خليط الدقيق
http://www.hayah.cc/forum/img1434/ha...897663_140.jpg
ونخلطهم كويس جدا بالمضرب اليدوى(الويسلك)او الخلاط اليدوى الكهربائى لغاية مانتأكد ان مفيش اى كلاكيع فى العجينة
http://www.hayah.cc/forum/img1434/ha...897663_286.jpg
نغطى العجينة ونسيبها تختمر لمدة ساعة فى مكان دافى
ونبدأ نجهز القشطة
دى صورة لمكونات القشطة
http://www.hayah.cc/forum/img1434/ha...897665_624.jpg
هنحط الفانيليا والنشا على اللبن
http://www.hayah.cc/forum/img1434/ha...897665_540.jpg
هنقلبهم كويس جدا قبل مانحطهم على النار لغاية ماالنشا تدوب فى اللبن وهنحطهم على النار ونقلبهم لغاية ماالخليط يتكاثف ولما نطفى النار نحط عليهم علبة القشطة
http://www.hayah.cc/forum/img1434/ha...897666_165.jpg
ونقلبهم كويس لغاية ماكل المكونات تتجانس
http://www.hayah.cc/forum/img1434/ha...897659_356.jpg
هنحط القشطة فى التلاجة لغاية مانحضر القطايف
نرجع تانى لعجينة القطايف
بالنسبة لسواء عجينة القطايف طبعا لازم مقلاة غير لاصقة
وفيه ناس بيحطو العجينة فى المقلاة بالملعقة وفيه ناس بالقمع البلاستيك بس انا وجدت احسن حاجة واسهلها هو ابريق الشاى
هنملا ابريق الشاى بالعجينة ونغطيه طبعا
http://www.hayah.cc/forum/img1434/ha...897664_953.jpg
هنسخن المقلاة على النار قبل ماننزل عليها عجينة القطايف
http://www.hayah.cc/forum/img1434/ha...897664_126.jpg
طبعا هى مش بتاخد وقت خالص على النار لما تدخل فى السواء هتعمل فقاقيع زى الصورة كده احنا ماشيين صح والعجينة مختمرة
http://www.hayah.cc/forum/img1434/ha...897665_407.jpg
هنشكل العجينة هنقفلها عادى زى مابنحشيها ونقليها فى الزيت بس الفرق المرة دى هنقفلها وهى فاضيه وهنسيب ربعها مفتوح
ده شكلهم بعد ماقفلتهم قبل ماأحشيهم بالقشطة
http://www.hayah.cc/forum/img1434/ha...897660_573.jpg
وده شكل الطبق النهائى بعد ماحشتهم بالقشطة وحطيت عليهم البندق المجروش وعسل النحل
http://www.hayah.cc/forum/img1434/ha...897661_324.jpg

http://www.hayah.cc/forum/img1434/ha...897661_249.jpg

http://www.hayah.cc/forum/img1434/ha...897662_506.jpg

http://www.hayah.cc/forum/img1434/ha...897663_493.jpg
يارب موضوعى البسيط ده يكون عجبكم

رد: قطايف سورية بالقشطة من مطبخ الشيف مونى بالصور
 

ماشاءالله عليكي :$
تشششششششششهي وبقوة :$
تسلم يمناكي ياحلوة :$