06-17-2013, 05:10 PM | المشاركة رقم: 1 | |||||||||||||||||||||||||||||
| ||||||||||||||||||||||||||||||
حفل تخرج ابني اعمال يدويه غايه فى الروعهطآب مسائكم وصباحكم ومبروك عليكم العشر الأواخر ..الله يعيينا وأياكم على الصيام والقيام ويجعلنا من عتقائه بهالشهر الكريم ..اللهم آمين هالموضوع جداً متأخر من المفترض ينزل قبل 3 شهور لكن مع ظروف الإجازة قُدّر له أن ينزل بهالوقت .. موضعين بموضوع واحد الفكرة تقريباً وحدة لذلك فضلّت أجمع الفكرتين بموضوع واحد فكرة الموضوع : عبارة عن هداياء بسيطة ورمزية سويته لولدي بمناسبتين مختلفتين أتمنى حصول الفائدة من موضوعي او حتى لعلة يوحي لكم بإفكار ثانية نبدأ بإسم الله : بالنسبة للهدية الأولى .. وصلتنا رسائل من إدارة الروضة على نهاية الفصل الدراسي الثاني مضمونها ..أنهم راح يخصصون يوم معين يتهادى فيه أطفال كل فصل [ كل طفل يهدي أصدقائة بالصف ذكرى عينية لنهاية مشوارهم التمهيدي ] الرسالة وصلت يوم الأربعاء ويوم السبت كان هو اليوم المحدد لتبادل الهداياء من يوم وصلت الرسالة وأنا بتفكير متواصل .. حبيت اميز طفـلي بشئ خاص فية .! وبنفس الوقت حرصت على أن تكون الهدية فيها شئ يجذب الأطفال لها وأهم شئ أن يكون شكلة ومضمونه يحاكي مرحلتهم العمرية وبديت بعملية البحث بالمواقع .. وماطلعت بنتيجة تذكر اللهم أستوحيت فكرة من وحدة أجنبية لفت أنتباهي الغرابة بشغلة ومع البحث والتفكير أكتملت الفكرة براسي .. وبديت بالشغل أول شئ نزلت السوق ومن محل لمحل لحد ماجمعت كل الأغراض اللي راح أحتاجها.. >>أذكر ذاك اليوم ومع اللف والدوران زوجي يقول لي : [ لو أخذه لك من هداياء باتشي أحسن لك من هالتعب والدوران ] صحيح باتشي أشكاله الخاصة بالأطفال حلوة وتجذب الأنظار لكن شئ متعودين علية ومعروف عند الناس والأمر الثاني والأهم كلها شوكولاته خام وانا اشوف عيالي ماياكلونها ولاتعجبهم وهالشئ حطيته بعين الإعتبار حتى بتجهيزي للهداياء اللي أشتغلت فيها ..! أول شئ نشوف النتيجة النهاية وبعدها نتعرف مع بعض على طريقة العمل وبالتفصيل المٌمل: وهذا العمل جاهز ومعبئ بالسلال عشان ياخذة روح ماما معاه للروضة هنا صورة فوضوية للأغراض قبل البداية نثرتة عالأرض وبدأت بالترتيب على حسب الاولوية بالشغل هنا برطمانات صغيرررة مرة بحجم الكف أو أصغر أشتريتة من محل كماليات. وعبيتة بحلاوة سكيتلز وكانت هذي أول هدية داخل الكيس وجواء الكيس برضو أضفت هاللعبة " أعجبتني فكرتة " عبارة عن بيضة تُغمر بالماء بالكامل .. وبعد 3 ايام راح تفقّس ويظهر اللي متخبي داخلها لكن على مراحل بالبداية تتشقق القشرة الخارجية وبعدها بفترة تتفتح أكثر وتبدأ تبّين أجزاء من جسم الجنين ههههههه وبعد ماتكمل 48 ساعة على ماأعتقد يطلع الكائن اللي داخل البيضة ويشوف النور [ جميلة , توسع مداركهم وخيالهم خلال هالثلاث أيام وأهم شي تعلمهم على الصبر ] زوم أكثر وثالث وآخر محتوى كانت كندر سبرايز ونجي الان للشكل الخارجي للهدية .. الخطوة الاول : أستخدمت هالنوع الورقي من الأكياس ( وراح اعبية طبعاً بالأغراض ) بالإضافة لخيوط القيطان ( وراح تكون هي اللممسك للكيس ) وستيكرات اخذته من مكتبة جرير ( اضفتة عشان تغطي نهاية الخيط ) عبيت الكيس بالأغراض وهنا بعد ماسكرتة ( سكرتة من جهة وحدة فقط ) ثنيت الكيس وثبت علية الخيط واضفت صمغ طبعاً وحطيت الستيكر عشان تغطي شكل نهاية الخيط هنا صورة جماعية بعد ماخلصت من العدد المطلوب المرحلة الثانية كانت إضافة الإهداء على وجه واحد من الأكياس وهنا أشكر الغالية ـ قلب جميرا ـ استفدت من الروابط اللي أضافتة بأحد مواضيعة الخاصة بتجهيز الحفلات جهزت التصميم والعبارة وطبعته بمقاس يناسب حجم الكيس قصيته وثبته على الاكياس بعد ماخلصت من إضافة الإهداء على وجه واحد من الأكياس اللحين راح نشتغل على الوجه الثاني من الكيس نقدر نضيف اي شئ يخطر ببالنا .. أنا هنا أضفت قصاصات لوجه دبدوب مفهي هههههه أستخدمت لونين من التجليد المخمل البني للأذان والبيج لمنطقة لانف وماحولها بدينا بالأذان واستخمت الكاس لتحديد الشكل الدائري وبعد كذا قصيتة بشكل مشطوف * الصورة الثانية توضح أكثر والصقتة على الكيس ( اختى تقول والله ماعرفنا هذولي أذان ولا حواجب ) قلت له 2 في 1 ونسوي بمنطقة الانف مثل ماسوينا بالاذان بس من غير مانقص شي من الدائرة نخليها مثل ماهي ونلصقها اللحين راح نضيف باقي الحواس لدبدوبنا * الكرات الأسفنجية الحمراء أستخدمتة لنقطة الانف * والعيون طبعاً الصقتة بمكانة * بالاضافة إلى أني أسخدمت القلم عشان أحدد المنطقة اللي تنزل من الانف عاد مادري وش اسمها .! واخر شئ أضفت الفيونكة لدبدوبنا عشان يكون كيوت ومهندم نمام الصور هنا توضح أكثر & دبابيبنا الكيوت صارت جاهزة حطيتهم بسله وأخذهم الحلو وكله حماس لروضتة . . . بديت بالشغل الساعة 11 مساءً وخلصت على الساعة 6 الصباح نسيت كل التعب يوم شفت فرحة الحلو أول ماصحى من النوم وشافهم بالنسبة لشغلي جداً بسيط وبدائي فيعذروني المحترفين بالأشغال اليدوية لان هذي تعتبر أول تجربة فعلية لي بهالمجال وذكرت قبل أني مالي أي خبرة بهالفن لكن لأجل عين تكرم مدينه الشغلة ممتعة جداً ومافيها تعب إذا بتشتغلون فيها من بدري وعلى راحتكم أنا اللي أتعبن ضيق الوقت لاأكثر. . . اللحين وصلنا للفقرة الثانية من موضوعنا .. بعد نهاية مشوار نيوفي خلال عام كامل عام ملئ بالجد والكفاح قلنا لازم يجني ثمار هالتعب وسوينا له حفلة صغيرونة بالبيت بمناسبة التخرج من الروضة ودعا فيها أصدقائه وحبيت أشارككم بعض تفاصيل هالحفلة بالبداية : جهزت كروت الدعوة وطبعتهم وبيوم تخرجهم بالروضة أخذت الكروت معي ووزعناها على أمهات أصدقائه وصديقاته [للاسف مع ضيق الوقت ماقدرت أصورهم وهم مطبوعات] وهذي صورة من الدعوة طبعاً لكل طفل بطاقة خاصة بـ أسمة وهذا شكل الكرت الخارجي وكانت موعد حفلتنا محددة بعد أسبوع من تاريخ حفلة الروضة خلال هالأسبوع بديت بالتجهيز ثيم الحفلة بالكامل كان على الشخصية اللي يعشقها نيوفي وهي شخصية BEN 10 جهزت المكان ورتبتة من بدري وبدأت أشتغل بالهداياء وهنا البداية جهاز لتعلم اللغة العربية والأنجليزية غلفتة بنفس ألوان شخصية بن تن وهذي الأدوات اللي أستخدمته & الهدية الثانية كانت عبارة عن كيس يحتوي على بعض العينات والتفاصيل الصغيرة اللي يفضلونها الأطفال كل كيس كان يحتوي على : * كرتون طبعتة من ورق A4 وأضفت فية الشخصية الكرتونية وأسم ولدي وكان يحتوي على ساعة ben * الشئ الثاني مستوحى من نفس فكرة ورق الفرنش فرايز برضو طبعته واضفت فية الأسماء * بالاضافة لفقاعات صابون وبسكوت وحلاوة وصافرة من نفس الشخصية * وعند دخول أي طفل كنت أصورة صورة تذكارية هو ونيوفي وطبعنا الصور وحطيت صورة كل طفل داخل كيستة وطريقة عملي لكيس الحلاوة والكرتون.. تابعوا الصور فهي أبلغ من الكلام & وهنا الحلاوة كانت من نفس الفكرة ونختم الموضوع بكيكة الحفلة بالنسبة لبطاقة الدعوة والكرت والكرتون اللي يحوي ساعة بالإضافة لكرتون البطاطس كلها موجودة بالرابط المدرج بالاسفل بصيغة ملف مفتوح تقدرون تعدلون وتبدلون على حسب حاجتكم هنا أتمنى أني قدمت ولو شئ بسيط يفيد هالصرح الرائع تحيتي للجميع وعيدكم مبارك مقدماً مواضيع قد تعجبك:
| ||||||||||||||||||||||||||||||
جديد المواضيع في قسم الأعمال اليدوية و التجارب المنزلية Handicrafts |
|
07-08-2013, 06:27 PM | المشاركة رقم: 2 | ||||||
| رد: حفل تخرج ابني اعمال يدويه غايه فى الروعه ماشاء الله تبارك الله | ||||||
11-26-2013, 12:42 AM | المشاركة رقم: 3 | ||||||
| رد: حفل تخرج ابني اعمال يدويه غايه فى الروعه الله يبارك فيكي وفي ابنك ويبا رك فيكي وفيه وفي جميع نعمه عليكم ويجعله واياكي من اهل الجنة ويجعله قرة عين ليكي وجزاكي الله خيرا انك شاركتينا هالافكار الروعة | ||||||
11-26-2013, 01:58 AM | المشاركة رقم: 4 | ||||||
| رد: حفل تخرج ابني اعمال يدويه غايه فى الروعه يديكي العافية يارب :$ | ||||||
12-29-2013, 09:17 PM | المشاركة رقم: 5 | ||||||
| رد: حفل تخرج ابني اعمال يدويه غايه فى الروعه اشياء جميله وووروعه بصراحه الله يخليلك ابنك يارب ويسعددك يعطيك العافيه على المجهود الاكثر من رائع تقبلي ردي وودي | ||||||
12-30-2013, 01:58 PM | المشاركة رقم: 6 | ||||||
| رد: حفل تخرج ابني اعمال يدويه غايه فى الروعه الله يعطيك ألف عافية | ||||||
01-28-2014, 12:49 PM | المشاركة رقم: 7 | ||||||
| رد: حفل تخرج ابني اعمال يدويه غايه فى الروعه ماشاء اللة شغلك روعة بس مبين نفسيتج مرتاحة حتى تسوين كل هاي الشغلات اللة لايحرمة منك | ||||||
الكلمات الدلالية (Tags) |
ابني , اعمال , الروعه , تخرج , حفل , غايه , فى , يدويه |
أدوات الموضوع | |
انواع عرض الموضوع | |
|