تورتة للأم بكريمة الزبدة البيضا ووردات الفوندان الملونة بلمسات الشيف مونى بالصور

[الشيف مونى]

تورتة للأم بكريمة الزبدة البيضا ووردات الفوندان الملونة بلمسات الشيف مونى بالصور

السلام عليكم ورحمة الله
كل سنة وكل ام بخير وصحة وسلامة
امبارح عملت تورتة للام ويارب تعجبكم
مقادير الكيكة الاسفنجية
نص كيلو دقيق سبونش
5 بيضات كبار(بيض احمر)
نصف كوب مياه
فانيليا
هنحط كل المقادير مع بعض فى بولا


ونضربهم كويس جدا لمدة من 7 د ل10 دقايق وده شكلها بعد ماتضربت

ونحط الخليط فى صينية مقاس 24

سوتها فى فرن حرارته هادية وده شكلها لما طلعت

وقلبتها على ورق زبدة

وعنتها يوم كامل فى التلاجة وقسمتها تانى يوم

وبدأت اعمل كريمة الزبدة عشان احشيها بيها
ومقادير كريمة الزبدة دى من تأليفى وعلى فكرة ياجماعة مش شرط ان كريمة الزبدة يكون عليها كاكاو
المقادير
250 جرام زبدة صفرا بحرارة الغرفة
150 جرام سكر بودرة
3 ملعقة كبيرة لبن
هنحط الزبدة فى بولا

ونضربها بالمضرب لغاية مايبقى لونها ابيض وهشة ونحط عليها السكر بودرة

ونضربهم ونحط عليهم اللبن

ونضربهم وكده تكون جاهزة

طبعا هى دسمة شوية بس طعمها خطير
وابدأ احشى بيها الكيكة

واغلفها بالكريم شانتيه




عندى عجينة فوندان جاهزة هبدأ الونها عشان اعمل بيها الوردات
ودى شكل الالوان البودرة


هجيب
قطعة الفوندان اللى عايزة الونها واحطها فى طبق واحط شوية من اللون
البودرة وعليهم نقطتين ميه وابدأ اعجن بايدى لغاية مالعجينة تتلون

طبعا لازم وانتو بتعملو كده تلبسو جوانتى عشان ايديكم متتبهدلش وان لقيتو قوام الفوندان اتغير وبقى يلصق اوى فى الايد حطو نشا واعجنو وتكررو لو لسه محتاج نشا لغاية ماقوامه يرجع زى الاول
وده شكلهم بعد مالونتهم لازم احفظهم فى نايلون لغاية ماستعملهم

بالنسبة لطريقة الورد
هجيب قطعة من الفوندان وافردها

واقسمها بالطول

والفها لو عايزاها وردة كبيرة الفها كلها لو عايزاها وردة صغيرة اقسمها والفها وافتحها بايدى هتبقى عندنا وردة جميلة ودى تعتبر اسهل طريقة لورود الفوندان
زينت التورتة بورود الفوندان والكريم شانتيه وحطيت عليهم ملبس فضى ودى شكلها النهائى


يارب موضوعى البسيط ده يكون عجبكم

مواضيع قد تعجبك:

• طريقة تحضير كب كيك الشوكولا بكريمة الزبدة
• طريقة عمل كب كيك الشوكولا بكريمة الزبدة
• كباب حلة من مطبخ الشيف مونى بالصور
• تورتة بكريمة الفراولة , حلى تورتة بكريمة الفراولة , اكله تورتة بكريمة الفراولة
• تورتة بكريمة الفراولة , وصفه تورتة بكريمة الفراولة , طريقه تحضير تورتة بكريمة الفراول

منتديات شبكة حياة - أطباق من صنع عضوات حياة

[قلب من ورق*]

يعطيك الف عافيه

[ريم الجزائرية]

اممممممممممممممم والله حلة كثير مشكوووووور والله يعطيك الف عافيه

[ام يوسف انس]

شكلها رائع جدا واكييييييييييييييييييييد طعمها اروع تسلمي حبيبتي

[مرااايم]

واوووو شغلك حلو جدااااا
ما شاء الله تبارك الرحمن
بأنتظار ابداعاتك القادمة