تابعي جديدنا بالفيسبوك


العودة   منتديات شبكة حياة > حياتك > المطبخ الإلكتروني مطبخ حواء وصفات طبخ

أشهي أكلات عيد الأضحى،أشهي أكلات عيد الأضحى بالصور

أشهي أكلات عيد الأضحى،أشهي أكلات عيد الأضحى بالصور أشهي أكلات عيد الأضحى،أشهي أكلات عيد الأضحى بالصور السلام عليكم موضوعي هو أشهي أكلات عيد الأضحى،أشهي أكلات

المطبخ الإلكتروني مطبخ حواء وصفات طبخ

إضافة رد
 
أدوات الموضوع انواع عرض الموضوع
قديم 12-06-2013, 01:30 AM   المشاركة رقم: 1
الصورة الرمزية
الصورة الرمزية سعاد
الكاتبة:
اللقب:
عضوة متخصصة
عرض البوم صور سعاد  
معلومات العضوة

التسجيل: 20-4-2013
العضوية: 905
المشاركات: 1,928
بمعدل : 0.69 يوميا
معدل التقييم:

الحالة:
سعاد غير متواجد حالياً

افتراضي أشهي أكلات عيد الأضحى،أشهي أكلات عيد الأضحى بالصور

أشهي أكلات عيد الأضحى،أشهي أكلات عيد الأضحى بالصور

السلام عليكم
موضوعي هو
أشهي أكلات عيد الأضحى،أشهي أكلات عيد الأضحى بالصور

أشهي أكلات عيد الأضحى ، أشهي أكلات عيد الأضحى بالصور


أكيد العيد مش هيكون عيد من غير طبق الفتة اللذيذ ودي أحسن طريقة لعمل الفتة..

المقادير:

• كيلو لحم ضأن مقطع بالعظم ويا ريت يكون "لحم الكتف".
• نص كيلو رز.
• ماء ساخن.
• بصلة كبيرة ومقطعة قطع صغيرة.
• 2فص حبهان.
• ملعقة قرنفل.
• 6فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة:

1. هنسلق اللحمة الضاني ونضيف ليها عند السلق بصلة وورقة لاورا وفص حبهان وملعقة القرنفل والملح ونسيبها لغاية ما تستوي.

2. أثناء ما اللحمة بتستوي هنجيبِ الأرز ونغسله وبعد كده نجيب الصينية اللي هنعمل فيها الأرز ونحط فيها ملعقة ونصف سمنة وبعد كده نضيف ليها الرز ونقلبه على النار لمدة خمس دقائق بعد كده نجيب ميه ونضيف ليها شوية ملح ونضيفها للرز ونسيبه على نار هادية لغاية ما يستوي.

3. هنجيب بصلة ونقطعها قطع صغيرة ونحمرها في السمنة لغاية ما نلاقي لونها بدأ يميل إلى اللون الأصفر نضيف ليها التوم مع التقليب لما نلاقيهم لونهم بدأ يكون ذهبي نضيف ليهم كوب عصير الطماطم والصلصة ونسيبهم على نار هادئة لمدة 10 دقائق، ونضيف ليهم شوية شوربة ونسيبهم على النار لمدة ربع ساعة.

4. بعد كده هنجيب الصينية ونقطع فيها الخبز ونضيف ليه شوربة اللحمة ونسيبهم لمدة عشر دقائق علشان العيش يتشرب من الشوربة.

5. هنجيب طبق كبير ونحط فيه الأرز والخبز ونحط فوقهم الصلصة اللي عملناها ومن فوقها اللحمة...

وبالهنا والشفا

لحمة ضاني مشوية
أشهي أكلات عيد الأضحى،أشهي أكلات عيد الأضحى بالصور kamar_03.jpg

المقادير:

• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود.
• ملعقة صغيرة شطة حمراء ناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر.
• نص فنجان زيت.

الطريقة:

1. هنجيب اللحمة ونغسلها كويس.

2. هنجهز تتبيلة اللحمة وهي عبارة عن "الزيت + الخل + الكمون + جوزة الطيب + البصلة + عصير الطماطم + الفلفل الأسود + الفلفل الأخضر + الثوم + الشطة" ونضربهم مع بعض في الخلاط.

3. بعد كده هنجيب صينية وندهنها بالخليط ده وبعد كده نبدأ في رص اللحمة في صورة طبقات وبين كل طبقة وطبقة نحط خلطة التتبيل...

4. بعد ما نخلص من رص اللحمة نحطها وخليط التتبيل في التلاجة لمدة 3 ساعات، بعد كده نخرجها ونشويها على الشواية الكهرباء أو الفحم...


وبالهنا والشفا

فخد ضاني في الفرن مع أرز بالخلطة
أشهي أكلات عيد الأضحى،أشهي أكلات عيد الأضحى بالصور kamar_02.jpg

المقادير:

• فخدة ضاني.
• كيلو فلفل رومي أحمر.
• 4علب زبادي.
• 5معالق صغيرة خل تفاح.
• كيلو رز.
• كوباية كبيرة زيت.
• 2 ملعقة كبيره ملح.
• 2ملعقة كبيرة عسل أبيض.
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• فلفل أصفر وأخضر مقطع قطعا صغيرة.
• ملعقة صغيرة فلفل أسود.
• قطعتان فحم.

الطريقة:

1. هنجيب الفخدة ونعمل فيها فتحة كبيرة بالسكين، بعد كده نتبل الفخدة بمزيج الخليط الآتي" الزبادي والملح والعسل والخل والبهارات والفلفل الأسمر"...

2. بعد ما نتبل الفخدة بالخليط ده نحطها في الثلاجة لمدة يوم بعد كده نطلعها من التلاجة ونجيب الفلفل الرومي الأحمر ونقطعه إلى قطع صغيرة ونحشيها بيه، بالإضافة إلى باقي الخليط المنقوع فيه الفخدة...


3. نحطها في الفرن وندهنها بالزيت ونسيبها في الفرن لمدة ساعة أو ساعة ونصف أو لغاية ما لونها يبقى أحمر وتستوي...

5. بعد كده نسخّن قطعتين الفحم على النار لغاية لونهم ما يبقى أحمر ونحطهم على الفخدة وهي سخنة ونغطي عليها علشان تحتفظ برائحة الفحم علشان تدي مذاق ورائحة رائعة.

6. نصفّي الصوص النازل من الفخدة ونضيفه إلى الرز على النار ونقلب كويس وبعد كده نضيف إليهم كاري وملح ومية وبندق ونقلبهم على نار هادية لمدة ربع ساعة أو لغاية ما نلاقي الرز استوى.

7. هنجيب الفخدة ونقطعها شرائح ونقدمها في طبق مع الرز ونرش من فوق شوية ملح وفلفل أخضر وأصفر للتجميل.

وبالهنا والشفا

صينية الرقاق بالبشاميل
أشهي أكلات عيد الأضحى،أشهي أكلات عيد الأضحى بالصور kamar_04.jpg

ودي كمان أكلة بسيطة ممكن إننا نعملها في العيد

المقادير:

• نصف كيلو رقاق.
• بصلة مقطعة قطع صغيرة.
• نص كيلو لحمة مفرومة.
• نص كوب كبير زبدة.
• نص كوب كبير دقيق.
• 4 كوبيات لبن.
• ملح و فلفل.
• 2بيضة.
• كوب كبير شوربة لحمة.

الطريقة:

1- هنعصج اللحمة المفرومة عن طريق إننا نقطع بصلة كبيرة إلى قطع صغيرة بعد كده نضيف ليها الملح والفلفل الأسود واللحمة ونحطهم على النار ونضيف ليهم معلقة زبدة ونسيبهم على النار مع التقليب المتسمر وبعد نص ساعة نضيف ليها كوباية مية ونسيبها على النار لغاية ما اللحمة تشرب المية وتستوي.


2- بعد كده هنجهز البشاميل عن طريق إننا نسخن الزبدة ونضيف ليها الدقيق مع التقليب لغاية ما لون الدقيق يبقى ذهبي بعد كده نضيف ليه اللبن تدريجيا مع التقيب المستمر لغاية ما يبقى قوامه سميك بعد كده نضيف ليه الملح والفلفل الأسود بعد كده نشيله من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض.

3- هنجيب الرقاق ونبلّه بالشوربة السخنة "ممكن إننا نستبدل الشوربة بالمية" علشان يكون خفيف.

4- هنجيب صينية فرن وندهنها بالزبدة ونرص فيها نص كمية الرقاق الموجود عندنا ونضيف ليها اللحمة وبعد كده نص كمية البشاميل وبعد كده نرص باقي كمية الرقاق الموجودة، بعد كده نغطي وش الصينية بباقي كمية البشاميل الموجود عندنا.

5- هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها.


وبألف هنا وشفا



شكراً لكم و انتظر ردودكم :)

مواضيع قد تعجبك:


رد مع اقتباس
جديد المواضيع في قسم المطبخ الإلكتروني مطبخ حواء وصفات طبخ


Powered by vBulletin® Version 3.8.7
Copyright ©2000 - 2016, vBulletin Solutions, Inc.
Content Relevant URLs by vBSEO