كيف تصيدين لك معرس؟؟

[تيماج]

كيف تصيدين لك معرس؟؟

السلاااام عليكم ورحمت الله وبركاته





اليوم موضوعي للعزابيات و الآنسااااااات
يا الله ابغاكم تسمعون نصيحتى !! اوكى






كيف تصيدين لك معرس؟؟ طبعا الخطه ما تنجح الا بالتفاق مع الوالدة ...







كيف تصطادين المعرس دون اللجوء إلى الاساليب السقيمه من التلميح الي ماله سنع والترزز بالاسواق.....إلخ






أهم شي تتقربين من العجوز الي تدور لولدها عروس ثم نفذي مايلي:

1_

خلك مع امك ولاتروحين مع البنات اصبري عنهم كم شهر لين تنجح العملية...



2_امشي وانتي حاطه راسك بين كتوفك ولا ترفعينه ابد حتى لو عورك <<< الفكس موجود




3_كلمه خاله .. خالتى خليها دايما على لسانك خاصة لام المعرس عشان تحس بنوع من التميز عن باقي العجايز.






ملاحظه .....

لامانع انك تنادين عجوز ثانية بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اختك.








4_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك ...خخخخخ





5_



كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.



6_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية <<<<{اقول نظفي غرفتك اول الي تقولين ثايره فيها قنبلة ذرية} هههه.




7_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق انتكلم عندها<<<< بس لاتكتمي نفسك مرره اخاف تروحين فيها واصير قتلت نفس بغير حق......




8_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.




9_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.




10_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.








مثال:تقول العجوز:بوش متقهوي عندنا البارح

قوليلها:وليش ماعلمتينا ياخاله نجي نساعدكم؟!

11_اذا جاء طاري السوق وهو لازم يجيبون الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.




الحين العجوز بتكون وقعت فالفخ.

نروح للمعرس الحين:

1_








اقعدي في بيت اهلك ولا تطلعين واذا جا المعرس بيشوفك خلي ابوك يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني...




2_ قبل يجي اليوم الي بيشوفك فيه بحوالي اسبوع او اكثر طامري من صالون لصالون صبغ تنظيف بشره..إلخ....مسكات خلطات <<<< بس حاسبى لا تنفخين وجهك او شئ...

3_

اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.




4_في نهاية المشهد خلي ابوك يقول:معليش وانا عمك ترى البنت شوي محيوسه..........






وبهاللحظه الولد بينط على راس أبوك ويبوسه لين يشفط مخه ويقول متى العرس ياعم؟






{تحذير مهم}

ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.

منقوووووووول للامانه

مواضيع قد تعجبك:

منتديات شبكة حياة - عالم الحياة الزوجية و المعاشره

[حياه الروح]

بصراحه موظوعك اعجبني كثييييييييييييييير
بس اذا توهقت البنت وسوت ملكه او شبكه او خطوبه وصار الخطيب كل شوي يدق عليها ويرسها مسجات ويجي يزورها كيف تتصرف وش تلبس وش تقوله

[ام روان]

موضوع رائع

يعطيك العافيه

رغم وجود بعض الصعوبات

ولكن الله يسر الامور

[اشجان الحسن]

يسلمووووووووووووووووووووو افكار حلوه

[تيماج]

اشكركم جميعا ع المرور واذا اتوهقت عاد الله يعينها على الدحلسه الرجال ماينفع لهم غير كذا

[ألماس]

ياقرده هالمعرس
والله مقرود هو عجوزه
مشكوره على الموضوع المميز والجميل جدا

[عطر الورد79]

هههههههههههههههههههههه
موضوع بيضحك