|
ناس..... وناس تعالوا نشوف الناس ؟؟؟ شفت كتير أشكال أجناس شفت وشوش شفت رتوش شفت الناس من بين الناس ******* ناس شقيانة وناس تعبانة وناس تتعب لو مضغوا لبانة وناس ظهرها محني من الفاس ******* ناس من كتر الغلا مكبوتة مش قادرين يشترو كيلو قوطة وناس مبسوطة عايشه حياتها في شرب الكاس ******* ناس فقرا ومش قادرة تعيش أكتر كلمة تقولها مفيش وفي ناس تاخد ما بتديش وعشان تدي إيديها تتباس ******* ناس كرامتها فوق الكل رغم الفقر ما ترضاش ذل وفي ناس واطية زي الفل تِوْصَل لو حتى هتنداس ******* ناس دايماً واقفين طوابير لقمة عيشها ده هم كبير وفي ناس رغم إنها طنابير عمر ما تتعب ولا تحتاس ******* ناس تديها ظهرك تإذيك وناس تتمنى إنها ترضيك عايشة حياتها كلها ليك بتكمل معنى الإخلاص ******* ناس عايشة في زحمة ودخان شمس وحر وخنقة كمان وفي ناس تانية قليل ما تبان وبتتشال كده فوق الراس ******* ناس تلاقيها ساعة الجد عمر ما تتعب ولا تتهد وفي ناس عمر ما ساعدت حد نفسي وبس – أنا وخلاص ******* ناس بالرغم إنها محتاسة ما بتطلبش عشان حساسة وناس تندب في عينها رصاصة ناس منزوع منها الإحساس ******* لكن بين الناس والناس شفت وشوش شفت رتوش شفت الناس كده غير الناس ******* كل الحب لكم منى |
اسمح لي ابدي اعجابي بقلمك وتميزك واسلوبك الراقي وتالقك بارك الله فيكى غزه |
مشكوووووور والله يعطيك الف عافيه |
ارررررررررررررروع الكلمات الي قراتها تسلمي غزة |
شكرا لمرورك وتعليقك اخت اشجان الحسن |
شكرا لمرورك وتعليقك اخت ميرو 850 |
شكرا لمرورك وتعليقك اخت عطر الورد 79 |
| الساعة الآن 08:02 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO