منتديات شبكة حياة

منتديات شبكة حياة (http://www.hayah.cc/forum/)
-   أزياء أطفال ازياء مواليد ملابس أطفال ملابس مواليد فساتين اطفال موديلات اطفال (http://www.hayah.cc/forum/45/)
-   -   دلعي بنتك دلع بسنع وحافظي - على انوثة بنتك (http://www.hayah.cc/forum/t130640.html)

شمس الاحلام 12-25-2013 12:24 PM

دلعي بنتك دلع بسنع وحافظي - على انوثة بنتك
 
دلعي بنتك دلع بسنع وحافظي - على انوثة بنتك
دلعي بنتك دلع بسنع وحافظي - على انوثة بنتك


مساااااء الدلع http://www.hayah.cc/forum/storeimg/h...423854_662.gif
صباااحكم روقااان

اليوم حبيت اشارك بموضوعي عن الام وبنتها
واشياء مهمه لازم نهتم بها

وهي عن بنتك وكيف تدلعينها وراح يفيد أمهات البنات الكتاكيت الامامير مثل امهاتهم




وقبل نبدا لازم نعرف معنى الدلع صح مو المفهوم اللي نعرفه المياعه والكسل

وقلة الحركه والنوم اكيد لاآآآ ...

الدلع شي طبيعي موجود في كل بنت بس فيه ناس تنميه وناس تدفنه ..

كيف تدلعين بنتك وتعلميها الدلال والدلع من طفولتها وتحافظ على انوثتها .




وحطي في بالك انتي قدوتها في كل شي فكوني خير قدوه ..

ونبدا في الدلع ..

شكلها

طبعها

وتفكيرها

نبدا في لبسها في البيت طبعآ تلبس بجامه نعومه او قميص يكون قطني ومريح في الحركه واللعب




يكون لها شبشب خاص بالبيت مريح ودافي




وشرابات تلبسها تحافظ على نعومتها وتدفيها




وشبشب خاص للحوش واللعب برا




طبعآ تحافظي على ترتيب شعرها دايم وتحسسيها انه لازم يكون مرتب وفي البيت مو برا البيت بس




واشتري لها فرشة شعر او مشط بناتي وتحبه ويكون ناعم على شعرها وخاص فيها ودايم على تسريحتها يكون موجود




سوي لها حمام زيت في الاسبوع مره قبل ماتتروش بنص ساعه يكفي ولاتستخدمي زيوت غير معروفه

او قويه على قشرة الشعر ترا ماتتحمل لازم يكون مخصص للاطفال ولاتخلي الزيت يطول على بالك لصالحها لانه يمنع تنفس الشعر ويكتمه



اذاحسيتي الشعر الطويل ماتبي تربطه او تفك شباصاتها و متعبك ومتعبها قصري من طوله وكذا ترتاحين وهي ترتاح ويكون شكلها مرتب



حمام الاموره الحلوه


لازم يتنظف بأستمرار وحطي لها شامبوات اطفال وشبشب طفولي


واكسسوارات ناعمه للحمام بناتيه تحسسها انها بنوته وتستاهل الدلع


وفرشة اسنان ومعجون مخصصه للاطفال وتعوديها دايم قبل وبعد النوم تفرش اسنانها


ممكن تعبي لها البانيو مويه دافيه وحطي لها رغوه تلعب فيها بس انتبهي لازم تكوني عندها ولاتتركيها لا ثانيه لحالها


ويكون لها طقمها الخاص الروب وفوطه لشعرها والوان حلوه


تعوديها ان الاظافر الطويله غير مرغوبه على الاطفال ومن النظافه تقليمها وطبعآ لا تتركيها لحالها وهي تقص

http://www.hayah.cc/forum/storeimg/h...423857_426.jpg
غرفة الاميره الجميله


حطي لها مكتبه في غرفتها تحط اغراضها الخاصه ويكون لها دفاتر واقلام


قصص حلوه وسهلة القراءه واذا ماتعرف اقري لها

دفاتر تلوين و كتب تعلميه للحروف والارقام مثلآ يعني حببيها في القراءه وتطلع مدلعه على سنع


عوديها ترتب غرفتها بنفسها وترتب سريرها وتسريحتها ولا تقولين عندي شغاله لازم البنت تعوديها على الترتيب والنظافه


كريم او زيت للجسم واليدين عشان تحافظ على نعومتها من طفولتها واتوقع مافيه طفل مايحب الكريمات


وعطر طفولي وريحته هاديه وبارده مو صارخه


وحلو منك لو تحطي لها شوي دهن عود في رقبتها حلوه ريحته مع العطر

ساعه مو شرط تعرف لها بس مع الوقت تتعلم


و اكسسوارات بناتيه على عمرها والوان بناتيه راقيه تحطيها في علب خاصه على التسريحه وربطات شعر وشباصات


في الحفلات والطلعات الخاصه للأهل ..

اعرفي ان مظهر بنتك من مظهرك واناقتها مكمل لأناقتك واللي يشوفها يشوفك ويعرف ذوقك


عشان كذا حافظي على زينتها ونعومتها وكشختها قدام الناس ..

لبسيها لبس حلو وانيق ومخصص لطلعات ,, اذاكانت الطلعه في النهار يفضل فستان ناعم وصندل مريح..
والشعر رتبيه لها بشكل بناتي وطفولي في التسريح بدون تكلف ولا تخربين شعرها بالاستشوار ترا كثرة بسبب تساقط لشعرها

وهذي بعض التسريحات البسيطه


رتاج2013 12-31-2013 01:03 AM

رد: دلعي بنتك دلع بسنع وحافظي - على انوثة بنتك
 
روعه يعطيك العافيه


الساعة الآن 10:12 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO