منتديات شبكة حياة

منتديات شبكة حياة (http://www.hayah.cc/forum/)
-   حياه للاستشارات الاجتماعيه والنفسيه (المشاكل الأسريه و العاطفيه) (http://www.hayah.cc/forum/37/)
-   -   زوجي خانني (http://www.hayah.cc/forum/t12891.html)

سمسومة 11-11-2013 05:50 PM

زوجي خانني
 
السلام عليكم
انا سمسومة جديدة في المنتدى
اتمنى اكون ضيفة خفيفة عليكم
سالفتي طويلة وابي تساعدوني من كل قلوبكم وكأنكم مكاني
انا متزوجة لي الحين 3 سنين
احب زوجي لدرجة الجنون وعلى حد علمي هو كمان يحبني
المهم
انا من الناس اللي احرم الخصوصية
فما احاول ولا مره افتح جوال زوجي ولا اتطفل علية
هو موظف بنك ويجي متأخر
والحين انا حامل وباقي لي شهر واولد ان شاء الله
بس لاحظت تعامل زوجي بدء يتغير من سنة وزاد في الاواني الاخيرة
وتصرفاتة صارت غريبة
خلاني اشك فية
امس اشترى جوال جديد وخلى القديم في البيت وراح الدوام
انا فتحت الجوال وشفت مسجات بينه وبين موظفة في البنك
على العلم اني كنت واثقة بزوجي وكنت اقول افضل رجل في العالم
طلعت غبية وحمارة :0137:
وعشان اتأكد دقيت من جوال الخدامة طلعت بنت
وشكلهم من زمان يعرفون بعض على اساس انهم زملاء في العمل
ياربي وش اسوي
قولولي افتح له الموضوع ولا وش اسوي
احس اني بموت وطول اليوم ابكي ولا اكلت شي

beeee 11-12-2013 09:43 PM

تبين نصيحتى
سوى نفسك كانك ما قراتى شى
لا تظنين ان الدنيا جنه والرجال ملائكه
تقبلى الوضع عادى وحاولى تنتبهين شوفى هل انتى قصرتى فى شى؟ واعرفى ان كل رجل له نزوات
قومى الليل وادعى ربى يسخرلك زوجك
توددى له بشكل معقول غير مبالغ فيه الله يوفقج
وعلمينا بالتطورات

ألماس 11-14-2013 10:03 AM

خليني ابحث بالموضوع
بس باسئلكي سؤال
؟؟؟
هل زوجكي من النوع الخجول؟
هل هو عصبي؟
هل لديه منطك الحوار؟
يعني اذا صار بينكم مشكله تتفاهمون فيها
؟؟؟
وانا بانتظاركي؟

ألماس 11-14-2013 10:04 AM

ومن اي مدينه انتم او دوله
؟؟

جنوبيه وافتخر 11-16-2013 03:20 AM

هذا الموضوع حساس جدا وحاسه بشعورك لاكن من وجهه نظري إنك تصارحينه لاكن بكل هدوء حتى تعرفي سبب خيانته وانتي اش قصرتي في حقه واسأليه اش الي فيكي موعاجبه وغيري معاملتك معه لاأحسن واغرقيه حب ودلليه وتثقفي جنسيا اكثر بختصار خليكي عارضه اغراء بين يديه وقبل كل شي ادعي ربي هوكاشف الكرب ومزيل الهم لاكن لاتخربي بيتك حاولي تحافضي عليه لاتخلي إنسانه واطيه تخرب حياتك
اسأل الله إن يكون في عونك
اخيرا حابه اقولك كل الردود مجرد
وجه نظر فكري الف مره قبل تخطين خطوه هذي حياتك وهذا زوجك إنتي فاهمتها اكثر منا وتدرين باصح والغلط

ألماس 11-16-2013 10:09 AM

حل المشكله باذن الله
 
اولا ؟
هذي القصه ...


قصه قديمه جدا تقول ان امرأه ذهبت تشكو زوجها لرجل صالح فقال لها الحل الوحيد انو تجيبي لي


ثلاث شعرات من شوارب الاسد


قالت: مستحيل

قال : ما في حل غيرو



والله ذهبت وصارت تتحايل على الاسد وتتودد وسحبت اول شعره


ثم الثانيه ثم الثالثه


وذهبت مسرعه الى هذا الاعرابي ليعطيها الحل



فقال لها : المرأه التي استطاعت ان تروض الاسد وتأخذ برضاه ثلاث شعرات



اكيد بحنكتها وذذكائها تستطيع ان تغير طباع زوجها

ثانيا....

يا اختي يا حبيبتي الله يصبرك ويثبتك ادري الموقف صعب عليك والنفس ما تتقبل الخيانه ولكن العفو من شيم الكرام

عيوني ما ابي اكلمك بالمنطق والعقل لا ابي استجدي فيك الزوجه الحبيبه والصديقه لزوجهاا واقولك الحياه الزوجيه ما تخلى من مواقف منها الجارح ومنها الي يصدم ومنها الي يعذب بس الحكمه وانا اختك في هالمواقف هي سيده القرار عمر العجله ما عمرت بيت

انتي الحين استهدي بالله كم يوم بعدهاا انااقولك

توضي وصلي ركعتين في جوف الليل وقولي يارب ثبتني وانطق الحق على لساني وقوي نفسك بالله

بعد كذاا جهزي لليله حلوه بينك وبين زوجك جهزيهاا باغراض وشموع ومااعلمك انتي ادري وفيكي الخير والبركه واجلسي مع زوجك فيها وانتي بكامل زينتك وباهدى اعصابك اكليه بيدك وشربيه وامسكي يده وطالعي في عينك واساليه وقتهاا ليش سويت كذاا انا مقصره معك بشي شفت مني شي ما عجبك ولقيته بغيري صارحني قوليله اليوم انا زوجتك وبكره بكون ام ولدك وضحيله انه جرحك وانك كنتي تثقي فيه وكيف شرخ هالثقه وتفاهمي معه
وخليه يشوف الرسايل علشان ماينكر


صدقيني عيوني بيستحي بينه وبين نفسه وقتها حتى لو ما بين لك وبيفكر بنت الناس ما تستاهل وانا غلطان وتلقينه يرجعلك يالغلا بس اهم شي عالجي الموضوع بحكمه الصراخ والعناد ما يجيب نتيجه وانا اختك وانتي لازم توريه شوف انا ما قصرت معك يكفيك تانيب نفسه له لا شافك كذاا تعاملينه

اختي اكثري من الدعاء له واكثري من قول اللهم سخر لي زوجي
وبعد كذا

اسال الله ان يصلح حالك زوجك ويهدء سركم
وحاول اني تبعدين عنه فتره
ترتايحن فيها وعلشان يحس بالذنب
بس حسسيه انا زعلانه من الي سواه
علشان ستحسف على الي سواه
وكل شي بهدؤ ينحل

وبارك الله فيكي
تقبلي مروري


سمسومة 11-16-2013 05:15 PM

beee
الماس
جنوبية
تسلم اناملكم
اول شي من جد ماقصرتوا معاي الله لايحرمني
وثاني شي بوضح لكم كم نقطة
جواب لسؤال الماس انا من الرياض وهو كمان
وزوجي عصبي بس بعد زواجنا حسنت فيه شغلات كثيرة وخفت العصبية
وهو شخص متفهم يعني لو اناقشة في موضوع يخصنا يتفهم
عنيد
غااااااااااااااامض وهذا اللي ذابحني
ومن ناحية ثانية والله اني رجعت لنفسي وراجعتها
انا ماقرت كثير
يعني انا مو شينة ولا جميلة بس حلوة اقرب لكم الصورة اكثر يشبهوني بكاريس بشار الممثلة السورية
امي شامية
انا طالعة مطعمة
جسمي حلو لاني كنت قبل زواجي رياضية
وكل شي تتوقعونة سويتة معاه
وربي ماخليت لبس ولا غنج ودلع وحركات سكسية ماسويتها
بالعربي وعلى البلاطة دايم انا اللي اتحرش فية وارمي نفس علية وابادر بالعلاقة الزوجية والله احس احيانآ اني وضيعة
بس هو مدري وش فية اتعبني
دوامة زي الزفت يجي تعبان يجلس شوي او ينام وبعدين يلبس ويطلع ومايجي الا 11 او 12 باليل
ولا جيت اتكلم قال شغل
بديت احس بضعف وملل والحين كل همي اني اولد بالسلامة
على فكرة كانت عندي مراجعة الاربعاء اللي فات وتأكدت من جنس المولود (ولد)
وهو فرحان بس وربي ماني قادرة وقتها اطالع في وجة وسألني وش فيك ؟
وجيت انا وكبيت عشاي وجلست ابكي وقلت له انك خاين وليش كذا؟
ووووووووووووووووو
المهم جاوبني وقال (هذي زميلة في العمل لا اكثر ولا اقل وربي مالي علاقة معاها
وانها بس هي اللي تراسلني وبعدين هي مطلقة وعندها ولد وكل البنك تراسلة وانا حطيت لها مجلد في جوالي لحالها عشان لاصار بننا مشاكل اوري المدير مسجاتها و ما انفصل عشان وحده ويضيع مستقبلي)
والحين هو مسافر جدة شغل وبيروت اجازة وبيجي ليلة العيد
والله يابنات اني ملييييييييييييييت وتعبت اعصابي وصار عندي تبلد احساس
اسفة للاطاله اعذروني طفشتكم


الساعة الآن 01:13 PM.

Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO