منتديات شبكة حياة - طريقة وطعم جديد للفراخ المشوية (دجاج تندوري ) دجاج تندوري على الطريقة الهندية

أهلا بيكم
انا أسمي سفروتة الصغنتوتة...وده اول موضوع ليا وأحب اعرف تقيمكم ليه بكل صراحة

انا جبتلكم النهاردة طريقة الفراخ التندوري (دجاج تندوري 2013) :eh_s(11): , بصراحة وصفة الفراخ التندوري دي رائعة راااااااااائعة , لانها بتعتبر من أفضل النكهات اللي بتتعمل بيها الفراخ المشوية على الطريقة الهندية , جربوا الفراخ التندوري ومش هتندموا, فراخ مشوية على طريقة التندوري الهندية , وبالهنا والشفا .....سفروتة

طريقة وطعم جديد للفراخ المشوية (دجاج تندوري ) دجاج تندوري على الطريقة الهندية

http://www.hayah.cc/forum/storeimg/h...92186_158.jpeg

http://www.hayah.cc/forum/storeimg/h...392184_363.jpg

http://www.hayah.cc/forum/storeimg/h...392184_539.png
المقادير:

كيلو وراك فراخ مغسولة ومنزوعة الجلد
ملعقة كبيرة بابريكا "هتلاقيها عند العطار"
ملعقة كبيرة توابل هندي "هتلاقيها عند العطار"
ثمرة فلفل أخضر مقطّعة قطع صغيرة
بصلة كبيرة مقطّعة قطع صغيرة
2 ملعقة كبيرة عصير ليمون
قطعة صغيرة زنجبيل طازة
ملعقة صغيرة كزبرة ناعمة
ملعقة صغيرة كمون ناعم
¼ ملعقة صغيرة كركم
½ ملعقة صغيرة كاري
5 فصوص ثوم مفرومين
ملعقة صغيرة شطة
ملح وفلفل أسود
كوب زبادي

الطريقة:
1- جهّزي تتبيلة الفراخ؛ بإنك تضربي كل المقادير الموجودة عندك ما عدا الفراخ في الخلاط.

2- هاتي وراك الفراخ، واعملي بها شقوق باستخدام السكينة وده علشان الفراخ تتشرّب التتبيلة كويس.

3- وزّعي التتبيلة اللي عندك على الفراخ، وبعد كده دخّلي الفراخ بالتتبيلة اللي عليها في الثلاجة لمدة يوم كامل، بس خدي بالك إنك تقلّبيها أكتر من مرة؛ وده علشان تتأكّدي إن الفراخ كلها شربت من التتبيلة.

4- رصّي وراك الفراخ في صينية ودخّليها فرن على درجة حرارة متوسّطة، وسيبيها لمدة ساعة ونص أو لغاية ما تلاقيها استوت وبقى لونها دهبي، حطّيها في أطباق التقديم..

:pray::pray::pray: يارب تعجبكوا :pray::pray::pray: