10 وصفات لشعر ناعم و مفرود 2013 , شعر ناعم ومفرود طبيعيا 2013

[كبريائى غرورى]

10 وصفات لشعر ناعم و مفرود 2013 , شعر ناعم ومفرود طبيعيا 2013

10 وصفات لشعر ناعم و مفرود 2013 , شعر ناعم ومفرود طبيعيا 2013
10 وصفات لشعر ناعم و مفرود 2013 , شعر ناعم ومفرود طبيعيا 2013


السلام عليكم و رحمة الله تعالى و بركاته...

فتوكات قلبي كل سنة و انتن طيبات رمضان كريم عليكم و على الأمة الإسلامية ....

المرة دي جاية اشارككم بكام وصفة للشعر مجرباها و هقولكم رأيي في كل وصفة ...

ما تبخلوش عليا بردودكم و تقييماتكم و ان شاء الله افيدكم و اللي عندها أي سؤال ما تتكسفش ههههههههههه

قبل ما ابتدي عايزة اشارككم ببعض النصائح الأساسية للحصول على شعر صحي و ناعم و كل الذي منه ههههههههه





* لازم نتفق الأول انه الطبيعي ما فيش أحلى منه و أضمن منه لسببين... اولهم الفرد الكيماوي بيبسطنا مدة محدودة جدا و النتيجة بتكون حلوة في الاول و مصيبة الف بعد الشر في الآخر... و السبب التاني لانه الوصفات الطبيعية بتعالج المشكلة من جذورها صحيح بتاخذ وقت بس مع المداومة نتيجتها أحلى من الغير الطبيعي ....

* صحة الشعر اكيد اكيد اكيد بتبتدي من التغذية و طبيعي لو التغذية مش متوازنة كمان الشعر هيكون بيعاني و ساعات حالة الشعر بتدل على مرض لا قدر الله او نقص في فيتامينات او حديد...

* الوصفات الطبيعية منعملهاش مرة و نقول ماجابتش نتيجة فكك! لا انا بقولها اهه لازم المداومة عشان تضمني نتيجة مرضية...

* الكسل و لا الوصفة دي صعبة و مش عارفة ايه مش عايزاه! لا اصلي بشتغل لا اصل العيال لا بكسل اعمل الصراحة! مثلنا بيقول ( اللي بغا لعسل يصبر لقريص النحل ) هههههههه و اظنه واضح فخلي همتك عالية و اهتمي بتاجك...

* اختاري شامبو الپي اتش بتاعه محايد و الشامبو الكويس مش هو اللي بيرغوي اكثر بالعكس

* كمان بالنسبة للعرايس الاهتمام بالشعر ولا حتى البشرة مش بيبقى اسبوع او اسبوعين قبل الفرح لازم تبتدي قبلها بكثير اوى...

المهم نيجي للوصفات اللي جربتها و اللي معظمها افتكاسات بس جابت نتيجة...

اول وصفة

دي كنت جربتها بعد ما جناني اشتغل فردت شعري و صبغته بعدها باسبوع ههههههههههه و المهم دماغي كانت قسم تجارب و شعري ابتدى يوقع خصلة خصلة ووالله العظيم الوصفة دي انقذت مستقبلي ههههههههههههه

فوائدها :

*بتطول الشعر
*بتنعم الشعر
*بتوقف التساقط و بتقوي الشعر جدا

هنحتاج لـــــ:

*كمية من الثوم زي اللي ف الصورة.
* كمية من الحلبة
* كمية من الخزامى
* و كباية و نص زيت زيتون..

نيجي للطريقة:

هنحتاج الكمية دي زي ما قولت من الثوم ..





نقشرهــــــــا و نقطعها قطع صغيرة كده





بعدين نضيف عليها حوالي 3 معالق كبار حلبة




بعدين نضيف عليها الخزامى ( اللافندر ) كمان 3 معالق كبار




نضيف عليه كباية و نص كبار زيت زيتون و نحطه في حمام ماريا لحد ما يغلى الغليط..




بعدين نشيله نسيبه يبرد و نحط الخليط ف ازازة و نسيبه لمدة 24 ساعة و ممكن يومين...




بعدين ناخذ ازازة فاضية و نصفي الزيت ده و نحطها فيه




و هنا حصلنا على الزيت بتاعنا




الاستعمال بقى :

قبل ما تغسلي شعرك بساعتين الى تلات ساعات و اللي مش متجوزة ممكن تذهن بيه شعرها بالليل و تغسله في الصبح ..

ممكن كمان تاخذي صفار بيضة و تضيفي معلقتين من الزيت ده و تحطيه كماسك لشعرك ساعتين قبل الاستحمام...

فوائده : الحلبة و الخزامى بيطوله الشعر و بيزيلوا هيشان الشعر و بينعموه... نفس الشيء بالنسبة للثوم بتطول الشعر و بتوقف تساقطه و بتقويه و زيت الزيتون اكيد كلنا عارفين فوايده...


*********************

نيجي للوصفة التانية :

هنحتاج لــــ :

*قشر موزتين
* كباية زيت عافية او *زيت المائدة اللي بالذرة
* 100 جرام من الزبدة

الطريقة :

ناخذ القشر نحطه في اناء و نضيف عليه الزيت و نحطه فوق النار لحد ما يغلى و قشور الموز تبقى لونها اسود.. نشيله من على النار و نعصر القشور دي كويس و نضيف الزبدة...

لما يبقى دافئ نحطه على الشعر زي الفرد و و نغطي راسنا ببلاستيك و نسيبه 3 ساعات و نغسل شعرنا..

الوصفة دي نتيجتها حلوة جدا خصـــــــــوصا للشعر الجاف و الهايش و لو عملتيها اسبوعين بس ورا بعض هتحسي انك فاردة شعرك...

**************************

الوصفة التالتة

ماسك النخــــــــــاع




ده والله العظيم و عــــن تجربة تحفة تحفة تحفة لغاية بكرة...

هنحتاج للنخاع ( نجيبه من عند الجزار و نطلب منه يقسم لنا العظم عشان يسهل انتزاع النخاع )

و زيوت ( ممكن تستعملي أي زيوت ، زيت الزيتون ، زيت الخروع ، زيت السمسم ، زيت جنين القمح )

الطريقة :

بناخذ النخاع و نحطه في اناء و نحطه على حمام ماريا..

نستناه لما يذوب كويس و بعدين نصفيه

نضيف عليه كمية معلقة كبيرة من خلطة زيوت او أي زيت متوفرة عندك...

نحطه على الشعر خصلة بخصلة و نغطي الشعر بغطاء من البلاستيك...

نسيبه 3 ساعات و اكثر و نغسل شعرنا كويس جدا بشامبو و استمتعي بشعر ناعم جدا...

فوائده : بيمنع تساقط الشعر و بيفرده جدا خصوصا مع المداومة مرة كل اسبوع...


*************************************

الوصفة الرابعة :

هنحتاج لــــ :

*ازازة زيت جوز الهند
* موزة

الطريقة :

هناخذ الازازة و نحطها كده كلها ف اناء و نحطه في حمام ماريا لحد ما يذوب

نكون هارسين كويس جدا موزة كاملة و نضيف عليها زيت الجوز اللي هيكون ذايب..

نرجع الخليط كله على حمام ماريا و نحرك.. اول ما يتجانس كويس نشيله و نحطه على الشعر زي الفرد و نغطيه بكيس بلاستيك...

نسيبه 3 ساعات و نغسله...

الماسك ده بينعم الشعر و بيغنيه و بيخلي الملمس ناعم جدا...

*************************************

الوصفة الخامسة :

هنحتاج لـــــ :

*2 صفار بيضة
* معلقة خل تفاح
* معلقة زيت زيتون
* معلقة زيت جنين القمح
* معلقة زيت خروع
* معلقة زيت اللوز
* معلقة نيسكافيه ههههههههههه

الطريقة :

نخلط الكل و نحطه على الشعر ساعتين و اكثر ..

الوصفة دي وصفتي المفضلة لانها بتغدي الشعر جدا جدا و بتطوله مع المداومة و كمان من اول مرة هيخف التساقط لو بتعاني من تساقط الشعر...


***********************

الوصفة السادسة

وصفة سهلة جدا للمكسلات هههههههههه

*5 معالق مايونيز كبار
*صفار بيضة
*معلقة زيت زيتون

الطريقة :

تخلطي كويس المكونات دي و تحطيها على شعرك و تسيبيها مش اقل من ساعتين

*************************

الوصفة السابعة
هنحتاج لـــ :
*علبة زبادي
*كمية من العسل

الطريقة :

نخلطهم كويس و نحطهم على الشعر و نسيبهم كمان مش اقل من ساعتين

************************


الوصفة التامنة :

هنحتاج لــــ :

*2 صفار بيضة
* 5 معالق كبار زيت خروع

الطريقة :

نخلط المقادير دي و نحطها على الشعر

بتساعد على نمو الشعر بشكل ملحوظ والله...

****************************


الوصفة التاسعة :

هنحتاج لـــــ :

* لازاز
( ما تبصوليش كده هههههههههههه دي عشبة مغربية مش عارفة بتتباع فين ف مصر ولا اسمها ايه بالمصري )

* مية او زيت

الطريقة :

ممكن نخلطها بمنقوع اللافندر ( يعني نغلي لافندر في المية و نصفيه و نعجب بيه ) او ممكن ورد يابس...

و ممكن نخلطه بزيت الزيتون ...

نسيبه على الشعر لمدة 4 ساعات و اكثر و نغسله..
بينعم الشعر جدآآآآآآآآ و بيطوله كمان

***************************

نيجي لوصفة بتنعم الشعر و بتديه لون احمر بس ايه راقي مش الاحمر اياه ههههههه

هنحتاج ل:

كميات متساوية من :

*السالمية مطحونة

*كمية من قشور الرمان مطحونين

*بعدها نضيف نفس الكمية من عشبة الدباغ مطحونة طبعا ( بيسيب لون احمر خفيف )




*و بعدها كمية من الكركديه




* و كمية من العكر الفاسي الحر ( دم الغزال الاصلي ) زي اللي ف الصورة




نخلطهم كلهم في علبة و نحتفظ بيهم

طريقة الاستعمال...

تاخذي كمية كافية مع شوية حنة و تعجنيها مع زيت زيتون او مية لافندر و تسيبيها ساعة ترتاح و تتجانس المواد اللي فيها بعد كده تحطيها على شعرك لمدة 3 ساعات

الوصفة دي بتصبغ و بتغدي و تنعم الشعر في نفس ذات الوقت

لو عايزة تحدي من تساقط الشعر اشفطي شعرك في الآخر خالص بمغلي عشبة السالمية او اكليل الجبل

ده اكيل الجبل




و دي السالمية بتاعتي




اقــــتـــراح :

انا بستعمل الزيوت دي بجد تحفة بخلطها و بحطها على شعري اول ما بطلع من الحمام...

ده زيت اللوز و الخروع






و ده 7 زيوت




و بكده أبقى أخلصت بعض من وصفاتي و افتكاساتي للشعر...

يا رب اكون افدتكم حتى لو شوية و ما تنسونيش من صالح الدعاء
بحبكم في الله



10 وصفات لشعر ناعم و مفرود 2013 , شعر ناعم ومفرود طبيعيا 2013
10 وصفات لشعر ناعم و مفرود 2013 , شعر ناعم ومفرود طبيعيا 2013

مواضيع قد تعجبك:

• لشعر جذاب ومفرود 2013 ، لشعر جميل ومرن 2013
• لشعر ناعم وجميل , كيف تحصلين على شعر ناعم
• وصفات لشعر ناعم وكثيف - خلطات طبيعية لتنعيم الشعر
• شعر ناعم ، شعر ناعم بدون سشوار ، شعر ناعم وطويل ، شعر ناعم جدا ، شعر ناعم
• شعر ناعم حرير شعر ناعم مثل الحرير شعر ناعم بدون استشوار شعر ناعم طويل

منتديات شبكة حياة - العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care