جديد الفعاليات
دخول العضوات
10-19-2013, 10:37 AM
| المشاركة رقم: 1 | |||||||||||||||||||||||||||||
| ||||||||||||||||||||||||||||||
 زوجك ستايله قديم ؟؟ تعالي وانا اضبطه زوجج ستايله قديم؟؟تعالي وانا اضبطجالسلام عليكم ورحمة الله وبركاته شلونكم يا حلوااااااااااااااات؟؟؟  شلون الاوضاع عندكم؟؟ وانشالله الامن مستتب؟؟؟ انا بدخل بالموضوع على طووووووووووول ملينا من سوالف الحركات الرومانسية والايحاءات الجنسيه وليلة خضرا وليلة صفرا ومدري شنو نبي شي فعااااااااااال نبي نتايج ونبي نستفيد صج وتالي الليالي الحالمة باتيي بروحها مع الوقت بدون ماتركضون وراها طبعا في رياييل يحبون التغيير والحركات واللبس وهالسوالف اوكي الله يهني حريمهم فيهم بس اللي ريلها ستايله قديم يعني من الرعيل الاول شتسوي؟؟؟ تقعد تندب حظها وخلاص؟؟؟؟ نهييييييييييييييي هم في طرق تخلي الحياة حلوة لا تطق جبودكم تو الناس الدنيا ياما فيها وانا عندي لكم بعض الامور بالحياة اليومية لو سويتوها انشالله بتنفعكم يالله نبتدي 1_ أول ما يدش الريال البيت خليه يشم ريحة حلوة ... بخور مثلا أو عطر للبيت حلو .. يعني ارجوكم لا تخلونهم يشمون ريحة حمسة ترى الانسان يتاثر بالروايح واول انطباع من يدش البيت بيكون نتيجة تاثير الريحة اذا الريحة تمام بيفرد ويهه شوي بس واذا الريحة ووووع ابشري بالخير والحنة والرنة .. هذا تحذير اكثر منه نصيحة 2_اول مايدش البيت لازم ماتطيح عينه على عفسة ودثرة ويتعرجب وهو بالطريج ويتكرفس على ويهه ويطيح ولا ترى يردج بيت اهلج علشان جذي خليج خوش مرة وعالاقل حاولي يكون البيت مرتب نوعا ما ونظيف مو بشكل مبالغ فيه بس وخري الاغراض من تحت ريوله عاد لا يستعسر ويعفر فيكم 3_الحين الريال دخل والريحة حلوة والبيت ماشي حالة ماكو سبب للحنة للحين بس الريال هذا ترى ستايل قبل يعني يحب التراث عاد خليج لابسة دراعة ناعمة من ملوت انور والطاهر اللي يتلامعون صدقوني ترى يضرب عاللمعه واذا فيها فتحة والسدر مدلوع بعد عزززز وشعرج رفعيه مايبي يشوف عالغدا شعر ترى تكرهين الساعة اللي صار عندج شعر فيها 4_الحين كلكم شطار وتعرفون تصفصفون الحجي وقولي له انج انتي اللي مسوية له الغدا اللي يحبة حتى لو الخدامة اللي مقصصة البصل ومسوية كل شي بس رزي ويهج ميخالف يمكن تسلمين من الحنة ونجبي له ليكون تاكلين قبلة ترى بيطل بحلجج وبتقصين وقشري له وحطي له السلطة وخليج مشتطة وزططي باليهال ويا ماما وعيب ياحياتييييييي مايسوون جذي ويزعجون بابا علشان يقول هابة ريح وساليه شلون الدوام وشسويت وخليج مهمته بسوالفه حتى لو بايخة وخل تبين انفعالاتج وكثري من ووووووووووي ولالالالالالالالا؟؟؟ و امبيه؟؟؟ وبحلقي عيونج وخلج فطينه مو تضحكين وهو متضايق ولا تعفسين ويهج وهو مشتط قلديه وبس وزرقي له لقمة بس ضبطيها مو يطلع فيها حصم ترى الطريق لقلب هالرجل معدته وكرشته مو اكسفورد لا يقصون عليكم ربع اكسفورد خل اكسفورد لاهله انتوا عليكم بالطاهر وانور وصوب الدراريع بس لا توطوطون هناك ترى مخاسير عالطل 5_تغدينا وغدا الشر الحين بنقعد بالصالة رزي الجاي والنعناع والهيل واللقاح والبسكوت والجيز كيك والحب وصبي جاي ولا يكون تشقين الكشرة على هبال لالالالا خليج ثقيلة ومرة جبيرة وبس تبوسمي من تحت لي تحت وقولي له ها اليوم شعندك ؟؟طبعا بيعصب شكو تسالينه شعندك؟؟هذا سر من اسرار الدولة.. قولي له شفيك حبيبي ترى مو قصدي شي بس كنت ابي اوصيك على شغلة اذا بتروح المكان الفلاني ماودي اطلع اليوم !!..>>يكون سنعة الاخت..وتمسكني وخليج مثل شحاتات السيدة علشان تستدرين العطف ويتحسف على دفاشته 6_الحين لا تمدين البوز خلج بشرة وسمحه ترى الريال ينحاش من النكد مايبون بوووووووووووز واذا مديتيه انتي الخسرانه اهو بيقظب الباب ويطلع عند ربع الندامة مايقولون لا وانتي بتاكلين بعمرج ولي ترس راسه بيرد ينام ويحقرج ومعاه حق ترى ماكو شي اييي بالبوز خليج طيبة وضحكي وسولفي وخليج متفهمه وراعيه طبعا بالكلام علشان توصلين للي تبينه 7_الحين الريال بينام الظهر حكري اليهال بدار وقعدي الخدامة تحرسهم لا يسوون لهم بلوة ولا جريمة ولا مصيبة..ولحقيه لازم ضروري ضروري لاتخلينه يروح الدار بروحه ترى هالستايل يموتون على نومة الظهر واذا شفتي مزاجة مو تمام للحين ساليه عن ربعه وشلون فلان(يعله الشقوول) وشلون علان؟؟؟يحليله ؟؟يعني لطفي الجو بموضوع اهو يحبه 8_الحين الريال بيطلع خو وايد عليكم قعد معاكم ساعة خلاص وراه اعمال وراه ربع بيجابلهم ودواوين بيقز فيها خليه يفارج علشان تاخذين نفس شوي لا تقولين له اقعد لا عادي ووصليه لما الباب بعد وقولي له عاد لا تتاخر(تكفا تاخر بس خل اطلع انا بعد)ولا تسرع ودير بالك عاد 9_الريال طلع وقاعد عند ربعه شلون تييبين راسه الحين؟؟؟اول شي وصيه على شغله و هالله هالله بالمسجات السنعة مو الجاهزة لالالا.. اما نكت ولا اغراض الجمعية ولا اي شي والمسجات القوية خلوها للمساء والسهرة لي صار الليل دزي له مسج تفر راسه وهو عند ربعه وتخليه يرد البيت وانتي كتبيها عن العيز واذا المسج توصف صورة بعد احسن واحسن علشان مخه يتخيل الصورة وهم انتي تكونين لبستي وتسنعتي بس لحظة لا تستانسون وايد 10_ليكون تلبسين قميص نوم ولا شي طارينه طرارة لالالالالالا خليج راهية ولبسي شي يلمع ويتمزلق والوان تكسر العين اذا ماتدلين المحاميد ادليج اياه وخل يصير شي ناعم ونظيف وريحته حلوة ومشخلع شوي بس هااااااااااا ..وطويل احسن بعد وحطي بلشر بس ترى مايحبون الميك اب ولا الشي اللي فيه طعم ولا اللي يتلزق وفلي شعرج الحين شعليج؟؟؟بتفلين..مانقدر نكثر عاد علشان لايخترع الريال ويقول هذي شناوية عليه؟؟ 11_لي رجع توقعي انه يسولف معاج بس ..وزهبي النفيش لازم ياكل كل الوقت علشان لا يحن مو اهو يا بيحن ويا بياكل وتعدي الليله على خير وتجنبي اي شي فيه نكد وحنة ونجرة وخاصة بغرفة النوم ولاتتوقعين شي ثاني علشان لا تندقرين واذا حصل بعد من قدج بتعيدين واذا ماحصل كبري المخدة ولا اقري مجلة وتالي نامي 12_الصبح قعدي معاه ووصليه لي الباب ولاتترسين راسه حجي بس ابتسامة ناعمه وخلاص بس تكونين مغسلة ويهج قبل ولي طلع خمدي خو لاحقة عالنوم بس قبل لا تنامين دزي له مسج حلوة عالصبح حتى لوجاهزة يالله خو مو طال فيها وايد لاهي بالدوام بس لازم تطقين الرصيف شوي الحين نصائح عامة: _اذا سوى شي يزعل لا تزعلين ولا تتعبين روحج محد بيراضيج فالاحسن لج انج ماتزعلين من الاول وتحسسينه انج متوهقه لا اهو اللي راضاج ولا انتي اللي تقدرين تكسرين عمرج _لا تسالين عن اشياء تعرفين اجاباتها وتعرفين انها ماراح تعجبج _كثري من مشكور وياحبيبي وعسى عمرك طويل وسجلي يدتج بشريط وسمعيه وتحفظيه كل يوم ترى يحبون كلام العيايز _ساليه على طول شنو تبي غدا؟؟؟ شنو تبي عشا؟؟ تبي جاي؟؟؟ اييب لك ماي؟؟ شلون الكيكه عجبتك؟؟لما تطق جبده من الاكل ويصير ما يطلب ولا يحن _لي قام يتابع مباراه سوي روحج مستانسة وايوااااااااااااااااااااا اااااااااا والله هالاعب شقردي يبرد القلب يزينه خل يرتفع ضغط ريلج ويقلب الموجه واذا حاط عالاخبار ساليه سؤال سياسي مايعرف جوابه علشان يتوهق ويقلب الموجه _اي شي يخصج ولا يخص البيت واليهال حاولي تقولين له شرايك؟؟ وانا بغيت اسوي جذي بس ماعرفت انت تعرف اكثر مني بهالسوالف تنفخيه علشان يحس انه مهم _وقت الطلعه خلج سنعه وعرفي شنو يحب ريلج تلبسين واللي مايحبه مولزوم تلبسينه لا اتييبين العسر حق روحج _بالبيت خليه مشغول قولي له الليتات محرقة والغسالة ماتشتغل والمكنسة خربانة وخل يحووووووس بالبيت ولانه مابعرف يصلح شي بيخمر عالشغلة ساعتين ثلاث وبيتاخر عن ربعه ويمكن يهون _كلا حسسيه انه اهو سندج وذخرج وانه انتي مايهمج احد مدام راسه يشم الهوى _حتى لو تتزاعلون لاتحسسينه ان اهلج يدرون او لا تقولين لهم بالاساس علشان تكبرين بعينه _خلي عيالج على طول حواليه واي شي يبون خل يطلبون منه مباشرة مو منج انتي علشان لا ينسى ان عنده عيال _لي بغى ينام قولي حق اليهال بصوت يسمعه قوموا بوسوا بابا وقولوا له تصبح على خير وروحوا غرفتكم بابا بينام لا تزعجونه حرام ياي من الدوام تعبان يعني اسمع يا باباااااااااااااااااااااا ااااا ترى انا مدلعتك_المهم لا يشوفج مرتاحة ومنسدحة ترى ينيوة مرة رابدة خليج نحلة ذبانة فراشة بوباشيرة اللي اهو حسب ستايلج علشان تعجبينه _مدحي بذوقه واسلوبه والمعلومة اللي تبينها توصل ييبيها على سالفة غير مباشرة يعني مو عنه كلش فلانة ريلها جذي وقطع ما يستحي ولا ينتخي والحجي لج ياجارة _نقعي ريوله بماي ترى يحبون اللقااليق وقولي له خنت حيلي شعرك يحت بحط لك خلطة علشان يتسنع _كلا قولي له طالع الشيب ترس راسك بعد عوووووووووووومري ولي قال لج اي شيبنا قولي له لا والله حشى منت شايب بس انت هالك روحك بالشغل وماترتاح(خووووو ارتاااااااااح اقعد افهمها عاد) يالله نكمل: _لا تخلين زوجج يطلع من البيت زعلان لو شنو بينكم علشان لا يصير صيدة سهلة لاي احد ترى الواحد اذا متضايق يتاثر باي شي او بالاحرى باول شي يصادفه فديروا بالكم علشان لا ينقلب الموضوع عليكم حاولوا تطلعون باقل الخسائر الممكنه وتجنبوا ان تخلون رياييلكم يطلعون زعلانين انتوا مشوا الامور مؤقتا ولي رجعوا البيت بالليل تفاهموا معاهم عدل _الحين صار زعل والريال ارتكب جريمة وزعل ام العيال شتسوي ام العيال السنعة؟؟؟ تروح له بكل قوة وثبات وتكلمه بهدوووووووء وبصوت واااااااطي مو تلعلع ترى الحيطان لها ودان وتقول له يا فلان ترى انا تضايقت من هالشغلة وبغيتك تعرف بس ان هالشي يضايق والهدف من كلامي هذا بس توضيح الامور ولاني مابي يصير في زعل بيننا وتطلعين من الدار على طول قبل لا يبتدي يجاوب ويبرر لان الهدف هني مو انه يقول لج اسف ولكن الهدف انه يعرف الشي اللي زعلج شنو وانشالله بيفكر فيه عقب ماتطلعين وراح يحاول مايعيده خو خلاص سامحيه الحين _الحين طلعتي من الغرفة والريال قاعد يفكر انتي خليج خوش مرة وحطي الجاي بالصالة وكشخي عادي وقعدي ولي طلع من الغرفة رقعيه بسالفة عادية ولا اخذي راية بشغلة لاتحسسينه انه كان في زعل بينكم لاتعطينه فرصة اصلا انه يقلب السالفة عليج _اذا كان مصر والسالفة قلبها عليج شتسوين يا حلوة؟؟؟ على طول نقزي وطبي على راسة واذا عيونه بعد احسن وبوسيهم وقولي له انا اسفة وحقك علي وكل شي وما اعيدها مرة ثانية بس ترى هم انا كنت متضايقة من هالشغلة اوكي حبيبي؟؟؟خليه تنبط جبده الحين اهو يبي الزعل و مو عارف ويبي يروح الدوانية ومودال طريجة فلا تعطينه اي سبب علشان يقلب السالفة عليج _عامليه مثل ربعه ما يعاملونه او مثل ماتعاملين صديقاتج خليج متفهمة لاقصى الحدود وراعيه واذا وصيتيه على شغله وماسواها عادي قدمي له كل التسهيلات وقولي له ولا يهمه خلها باجر ولا اللي عقبه واذا ماتقدر حبيي انا اسويها بدالك ادري فيك مشغول طبعا بيحتر لانه هالستايل مايحب مرته تدور ولا تترزز فمن باجر الشغلة خالصة انشالله وهااااااااااااااااااااااا اااااا شقلنا؟؟؟ماكو بووووز انسيه هالبوز خلاص _الستايل هذا من الرياييل مثل رياييل اول وايد عنده التزامات خارج البيت وناسي العيال غالبا والبيت شنسوي الحين؟؟؟من يدش البيت علمي عيالج يروحون يسلمون عليه ويبوسونه ويسولفون له لا يدبلون جبده عاد بس كلمتين وخزيهم خل يروحون يلعبون بغرفتهم لا يصكون راسه وسولفي له اليوم شنو سووا وهم لي كلمتيهم علميهم يحترمونه ويحبونه راح تلقينهم يتعلقون فيه حتى لو مايشوفونه وايد والسوالف بتيي بروحها وعقب راح تزيد علاقته معاهم انشالله _اذا طلب منج قلاص ماي مثلا ولا اي شغلة بسيطه نقزي وقولي له من اعماق فؤادج ولغالبغ قلبج انشاااااااااااااااااااااا ااااااااااااااااااالله دقيقة واييب لك .. تبي ماي حار ولا بارد؟؟؟يعني ييبي اليهده علشان يستانس دخنا واحنا بنونسه افففففففففف انا مليت _لما يمنعج من شغلة وانتي مضطرة طبعا تطيعينه حاولي تقولين له على طول انج انتي بالاساس مو حابة تسوينها بالوقت الحالي من كيفج ومن قناعتج ولان رايه عاجبه وتحسين انه حكيم خخخخ حكيم الاقزام حشى المهم سوي جذي لما يتبرمج مخه انج انتي تسوين هالشي من قناعتج مو بس لانه اهو امر بهالشي قولوا ليش عاد؟؟؟ علشان لما ايي الوقت المناسب وتبين تسوين هالشغلة تكونين مهدتي له انج بهذاك الوقت كنتي ماتبينها لكن الحين الوقت مناسب صار وتبينها واضرب لكم مثال مثلا اللي ريلها مايبيها تشتغل مثلا .. بس عاد ساعات الوحده تقتنع براي ريلها مو كل مرة كلامه غلط بالعكس اكو رياييل مشالله عليهم صج يصير حكيم ورايه اهو العدل عاد عن العناد _نصيحة اخوية اذا بتطلعين معاه لا تاخذين رايه بلبسج لكن لبسي الشي اللي ما يضايقة وتجنبي المشاكل لانه في كل الاحوال ماراح يعجبه لبسج هذا حال هالستايل مايحب احد يشوف مرته والود وده يلبسج خيمه وما ينلام الريال ترى اللي مايغار مافيه خير بس اهو بيمصخها عاد انتي استمتعي بهالشي وقولي وناسة يغار علي خخخخخخخخخخخخ لانه ما راح يقولها لج ويبرد قلبج بس انتي فهميها .. واذا بتروحين عزيمة حريم ولا عرس ولا استقبال اخذي رايه هني عاد ولي عطاج راي سويه علشان لا يندقر ترى ان اندقر دقرج عقبها عاد صيري ذكية واخذي رايه بالاوان بس ولا الميك اب مقدور عليه بس ما افضل بالبدلة لانه ممكن يقول ضيجه وخبه وشحقه؟؟ _تفخيه جدام اهلج واهله ترى الريال يحب يرتز ويحس انه الكل بالكل يستاهل بو العيال خو كله حجي لا تصيرين بخيلة وبالتالي راح يحب زيارات الاهل وما يتملل لانج تعرضين لهم بطولاته _كلا قولي له انت اللي مستتني وانت اللي مدلعني وانت مو مقصر وعسى عمرك طويل وهو مع الوقت راح يتبرمج على هالشي وراح يصير فعلا جذي وقولي له مثلا هذاك اليوم صارت شغله وانا قلت والله لو انت موجود جان ماقدروا يقولون لي جذي جان عملوا حسابك وحسسيه انج معتمده عليه كليا باي موقف يصير حتى لو مشكله بين الاهل ولا الاصدقاء ولا بالشارع حسسيه انه سندج وظهرج وانه ما يرضى عليج علشان يصير لج سوبرمان _الروتين يقتل ترى ديروا بالكم من الروتين اذا كنتي من النوع الهادي مثلا على طول في يوم من الايام جذي كسري الروتين وخليج هذرة وترسي راسه حجي مثلا راح يعجبه التغيير بس عاد مو تحلى لج السالفة وكل يوم تصكين راسه؟؟واذا كنتي مزعجة بالاساس وراعية مقعد وسوالف خليج هادية وسراحانة وسندي راسج عالقنفة وسرحي بيفكر شعجب؟؟؟ شفيها اليوم؟؟؟ منو راش عليها فليت؟؟؟ انا لي سويت جذي ريلي يخترع على طول يقول لي شتفكرين فيه؟؟؟وااااااااااااااي يعني الوحده ماتفكر الا فيكم؟؟؟عندي اشياء افكر فيها _اختاري الوقت المناسب علشان تصدمين الريال لا تبطينها بويهه اذا سويتي شي ما يحبه شوي شوي عليه ترى الريال صدق اولا تصدق انسان حساس وممكن وايد انه يتعقد ويتاثر .... بس لا تصدقون اتغشمر .. يعني رحتي السوق وهو مايحب تروحين بهالوقت مو من يدش تبطينها بويهه؟؟؟ لا نطري عليه يقعد ويبدل وتالي قولي له حبيبي ترى انا اضطريت اروح اخذ هالشغلة اليوم وماقدرت ااجلها ولا تقولين اضطريت اروح السوق يعني لا تييبين الكلمة اللي مايحبها حرفيا علشان لا تثيرينه ولحقيها بسالفتين وترسي راسه حجي علشان ينسى سالفة السوق _اذا حطوا بالتلفزيون برنامج يحبه وهو طالع مو موجود شتسوين يا حلوة؟؟لي رد البيت تقولين له ووووووووي وينك؟؟اليوم حطوا البرنامج اللي تحبه عاد بغيت ادق عليك اتيي علشان نطالعه مع بعض بس كسرت خاطري قلت توك رايح الدوانية ما مداك تقعد مع ربعك ماني رادتك علشانه بس ترى يحطونه هاليوم وهالحزة باجر نشوفه ... عاد من يقول انه بيرد يشوفه معاج؟؟ بس انتي برمجي زوجج عالشي اللي تحبينه صدقوني تنفع وفي المرة الياية عاد دقي عليه وانتي مشتطه وقولي له حطوا البرنامج بس ترى بادي من زمان مايسوى تتعنى ويخلص خليك انا اقول لك شصار واسجله لك والمرة اللي عقبها دقي قولي له احضر حالا بس لا تسوق حييييييييييييييييل ترى البرنامج توووووووووه بادي وجكااااااااااخ لا تعطينه مجال يرد عليج راح تشوفينه في يوم من الايام بيرد ويطالعه معاج _حطي له اغراءات قولي له مسوية لك نفيش ولا عشى ولا اي شي لازم توكلينه علشان ايي البيت يالله نكمل: _خليج حريصة انج تكونين قاعدة معاه على الوجبة ولا تخلينه ياكل بروحه لو شنو حرصي حرص على هالسالفة حتى يتعود على طلتج البهية على السفرة وماتطوف اللقمة اذا انتي مو موجوده ويعرف قدرج وانتي اللي نجبي له وقشري له ووكليه مو لانج خدامته لالالالالالالالا صبروا في حكمة من هالشي علشان باجر لي صرتي مو موجوده بيفكر وبيفقدج وماراح يعرف حتى ينجب له وهذا المطلوب وصدقيني راح تستانسين لي شفتي النتايج عقب يمكن يعبر بطناقر ولا يهد السفرة ويقوم لي صرتي مو موجوده لانه هذي طريقته للتعبير عادي المفروض تستانسين انتي هني لانج حققتي نقطة مهمة ماعليكم من اللي تطلع مع رفيجاتها وتتغدى برة البيت وريلها عادي عنده ترى مو لصالحها _نفس الشي بالنسبة للنوم اياني واياج تتركين الغرفة لاي سبب من الاسباب وتزعلين وتنامين بغرفة ثانية ترى الريال يتعووووووووود وباجر اهو اللي يصك الباب عنج ولا يقول لج روحي بيت اهلج غيري جو..مثلا رايح الشاليه وبيتاخر قولي له ميخالف انطرك تمرني ماني نايمة عند اهلي حتى لو تاخر الوقت علشان لا يستسهل السالفة والمرة الياية بيعرف انها عبالة وراح ايي ابجر ... مثلا الياهل يصيح وانتي تنومينه عندج بالغرفة والابو وراه دوام والحين بيحن عليج فانتي باحترامج نومي ولدج بالغرفة الثانية و لي صاح روحي له وتالي ردي سريرج لا تخلين الريال يستانس بالسرير بروحه لو شنو باجر يرتاح لي رحتي حتى لو فيها تعب عليج بس عالاقل وفرتي حق ريلج الراحة بفراشة وهم انتي موجوده معاه وهم ولدج دايرة بالج عليه واجرج على الله شرايكم؟؟جم عصفور ضربنا للحين؟؟حتى بتكبرين بعينه وبيحس انج مداريته وبالتالي اكيد بدياريج في يوم من الايام لا تستانسين وايد مو على طول النتايج ترى يبي لها قلب _الطلعات كثر ماتقدرين لزقي معاه جان جمعية جان سوق حق اليهال جان زوارة جان كواي اي شي تقدرين تروحين معاه رووووووووحي خل يتعود انج معاه عالخط ولي قعد لزقي يمه يمكن ما يحب بس مع الوقت بيتعود وخاصة بالبيت مشكلة الحريم بالبيت اهي على قنفة واهو على قنفة ثانية ولي زاروا اهله تبيه لازق فيها حتى الريال بيتضايق لانه ما يحب الشحاطه فخلي هالشي بالتعود اول وتالي بيصير تلقائي وهم حاولي ماتطلعين اذا اهو موجود الا للضرورة وخلي طلعتج عقبه بيحس انج محترمة وجوده وبيبين بعينه _اذا لبس شي يديد واخذ رايج فيه ولا حتى بدون لا ياخذ رايج انتي رزي ويهج وقولي له رايج مع بعض التفاصيل يعني مثلا لبس تي شيرت يديد قولي له : والله طلع احلى من ماتوقعت ووايد يناسبك وبعدين عملي ويمشي مع بنطلوناتك اليديد وايد ... بيستانس ..مو معناته اذا شي ما يناسبه تقولين له حلو لا خلج ذكية بس اختاري الكلمات المناسبة قولي له لا شرايك تجرب شي ثاني هذا مو مبين جسمك مرتب و خامته مو عملية وعطيه الاهتمام وجنج قاعدة تختارين شي حق عيالج بالمستقبل راح يثق برايج ولي بغى يروح السوق بيقول لج تعالي معاي _عرضي عليه خدماتج من وقت للثاني بس بدون مبالغة علشان يحس ان عنده مرة يقدر يعتمد عليها مثلا نسى اييب هدومه من المصبغة وطلع قولي له انا اييبهم لك ولا تتعنى افا عليك وييبيهم بس المبالغة مو زينة ترى بيقط كل شي عليج ويمشي يعني انتي شدي ورخي مرة حسسيه انه يقدر يعتمد عليه ومرة حسسيه انج ماتقدرين تشكين خيط بابرة الا بوجوده _قوة المراة بضعفها ... على طول خلج مايعة ورقيقة وخليج انثى مرة مو مصارع مو كينج كونج شوفوا نانسي شوفوا اليسا شوفوا هيفا يعل ماكو هيفا ما اقصد وساختهم لالالالالالالالالالا بس شوفوا الدلع والتعكف كافي بدون نظرات لان نظراتهم اررررررررررف بس استخدموا هالاسلحة ترى حلوة وتنفع _شجعي هواياته البريئة اذا يحب البر ولا القنص ولا الحداق ولا التعبث بالبيت لان هالهوايات تنفع ماتضر واحسن له من الهياته بالدواوين ولا تحتجين على هواياته اذا كانت حلوة لكن اذا هواياته خررطي لا حاولي تسحبينه منهم شلون؟؟تلقين له هواية يديدة او تدورين شي ثاني يحبه وتساعدينه عليه ومثلا يحب التعبث تشترين له بعيد ميلاده عدة من مركز سلطان ولا اي مكان طبعا شي يديد راح يفتحه ويجربه ويتعبث فيه يمكن يكون بابا لهواية يديده ويتولع فيها بس لازم تعرفين شنو ممكن يحب مو اتييبين له شي كلش ماله علاقة فيه _اذا تحسين زوجج من النوع اللي ايده ناشفة عليكم حاولي بالكلام انج تغيرين فيه وقولي له على طول انت مو مقصر ومدللني ومخلي ماعليننا قاصر وانا ادري لو بطلب شنو بتييب لي بس انا اللي مابي ومن هالكلام خل يحس انه مسؤل عنكم ومع الوقت بيصير عنده عادي وبتنحل هالمشكلة نكمل يا بنات ولا تعبتوا؟؟ _اذا قال رايه باي شي حتى لو كان رايه ما يعجبج او غلط او سلبي اول كلمة تردين عليه فيها : اي عدل كلامك ... صح ... صاج والله ... بس وتكملين وتقولين اللي تبينه بس لا تبدين اعتراض من الاول علشان نقدر نوصل لحل وسط ويرضي جميع الاطراف اول شي نبدي استعدادنا للتفاهم والتواصل علشان تكسبين اهتمامه لكلامج واللي بتقولينه عقب ابدي بشي ايجابي ... مثلا : خدامتج هذي ماتفهم وجم مرة قايل لها مو جذي وووووووو....... بلابلابلا ... تقولين له اي والله صاج ملوعة جبدي كلش ماتساعد والشي اعيده عليها امية مرة بس شنسوي يا حبيبي احنا بعازتها وهذا انا وراها 24 ساعة ماعليه فقيرة وناخذ فيها اجر هذولا لو اذكية ماجان صاروا خدم وعليه ... يعني السالفة تبي 3 مراحل : الاولى توافقينه ... الثانية : تطخخينه او تهدينه مثل مانقول والثالثة:تقولين له وجهة نظرج وانشالله بتوصل صح _في وجود الناس لا تعترضين على راي يبديه يعني حاولي تصيرين معاه عالخط علشان لحد يستغل الوضع ويشبها بينكم وتصير مشكلة انتوا بغنى عنها اذا يات عالكلام خليه يتكلم شفيها؟؟ لي رديتوا بيتكم وصكيتوا عليكم بابكم تفاهموا عدل مو معناته تصيرين سلبية بس علشان تتجنبين اي غزو فكري خارجي وخبرج الريال يتاثر بسرعة اذا الكلام جاي من برة _اذا مرض (مدام ريلي مريض متذكرة خخخخخخخخ ) ديري بالج عليه وتابعيه مثل ماتتابعين عيالج حرام يعني علشان امه مو عنده تهملينه؟؟يالله قمي جابلي ريلج وسوي له الادوية والاعشاب والفكس ووديه الطبيب اذا يحتاج ومسحي على راسة وحاولي تهدين اجواء البيت علشان يرتاح بروحه الواحد لي مرض يحس ان الناس كلهم قاعدين براسه ويصارخون واقري عليه يستااااااااااااااااانس ويابعد عيني لا تتوقعين انج لي مرضتي بيصير نفس الشي لا عاد ارضي بقليلج بس اكيد ماراح يخليج تموتين عنده بيوديج الطبيب فانتي عاد لا تطمحين للاكثر _لا تفوتين مناسبة عيد ميلاد او عيد زواج او عيد فطر او ضحية الا واحتفلي فيها مو معناته زيطة وزمبليطة وعلبة نيدو لالالالالالالالا العقل .. بس خليها يوم مميز ورقيق وينذكر بالخير حتى لو بلمسات رقيقة منج وشغلات بسيطة تذكره بهاليوم وعادي شركي اليهال راح يتقبل اكثر ولا تتوقعين بعيد ميلادج ولا عيد زواجكم بيسوي شي بس انتي ونسي روحج ولا تخلين المناسبة تمر سكيتي ولي شاف نسمج طويل مرده بيتلحلح وبيطلع منه بالنهاية ماعليه نصبر العوض ولا القطيعه _دائما وابدا حطي لج خطة بديلة لكل شي لا تصيرين جامدة واذا تعومست الشغلة توهقتي وتنكدتي وانصدمتي...خلي في بالج على طول شي بديل وخليج مرنة علشان لاتتعبين وهم المخ يتنشط يعني اليوم مخططين تروحون الزوارة وماصار الريال ارتبط بشي ثاني وخون فيكم عاااااااااااااادي خليج كووووووووول ماعليه حبيبي ولا يهمه باجر انشالله نمرهم ولا خلاص شوف انت شغلك وانا اروح مع اليهال مو مشكلة خليه يفكر من اعماقه هذي انتي ولا بدلوج؟؟؟ صدقوني بيتعقد مسكين ومرده بيستسلم ومن باجر اهو بيحرص عالشغله وممكن عقب خمس دقايق يتصل ويقول خلاص كنسلت شغلي ويايكم لانه بيشك بنواياج بيقول مومعقوله هالسماحه اكيد بتقب المرة مكان وتبيها من الله اكنسل الحين الدرس القادم: _الشغلة اللي بقول لكم عنها اهي التاثير العكسي .. يعني الشي اللي ودج يصير لا تطلبينه بشكل مباشر .. والشي اللي انتي مهتمه فيه بيني له انج مو هامج بالمرة وشوفوا ردة الفعل عاد .. يعني اذا انتي من النوع اللي ودج ريلج يطلعج معاه والريال كاشت .. على طول قولي له اليوم بغيت اقول لك تمشيننا بس شفت روحي دايخة وتعييزت .. بيستانس يات منج هالمرة .. المرة اللي وراها اتصلي فيه قولي له وووووي تصدق كنت بقول لك عازمتك على مطعم بس راسي مصدع ماعليه تطالبني عزيمة .. عاد منو اللي قال الريال ناوي يطلع معاج؟؟ المرة اللي وراها قولي له من الصبح اليوم مشتهين نتغدا برة شرايك؟؟وقبل لا ينطق قولي له ولا اقول لك؟؟خلاص هوننا الواحد يرد من الدوام تعبان وماله خلق طلعه يبي يرتاح خلاص خلها عالعشى عاد اذا ماهونت انا بعد خومادري شفيني عالطلعه .. الريال الحين جم مرة هياتيه للطعه وماصار بيقول المرة حكيمة وتقدر الظروف وتختار الوقت المناسب وبينتظر موعد للطلعه خلاص اهو تبرمج على الانتظار . _مثال ثاني .. انتي ماتحبين الطباخ .. خليه يشوفج تحوسين بالمطبخ لو على الطل بس انتي خمري بالمطبخ وقولي له صايرة بس احوس بالمطبخ وودي اجرب كل الاكلات اللي بالكتب ووووي عسى ما امتن على هالشهية .. ضغطي على روحج فترة معينة وكلا سولفي عن الطبخ لما تطق جبده ويقول بقلبه اففففففف شهالحالة؟؟ _عطيه الكلام اللي يبيه خو الحجي ببلاش .. كل شي يقوله انشااااااااالله ومطيها بعد .. ولا يهمك واي صاج والله وعدل كلامك واهااااااااااااااااااااا صح صح صح خليه يستانس ولي يينا للتطبيق شغلي الاستعباط واستهبلي وسوي روحج نساية وقولي له ووووي نسيييييييت .. ماعليه ولا يهمك انشالله بسوي هالشغلة .. انا ما اشيشكم بس ساعات الرياييل تعرفون يتدخلون بكل شي حتى بالمطبخ وتعيزين وانتي تتبعين تعليماته وهم ما يعجب فانتي وفري على روحج التعب وعليه بعد وعطيه الكلام اللي يحبه وحاولي قدر المستطاع تسوين له الشي اللي يبيه بس لا تتازمين الكلام اللي يغثج طوفيه وانتي تضحكين ولا تشدين _تحرشي فيه بالمسجات لي صار برة البيت وخليه يتشاغل ويتوقع جو معين بس لي رد ثقلي وقعدي عادي ولاجنج انتي اللي دازة المسج خل ينصدم ... ماصارت كسروا خاطري الرياييل من كثر الصدمات ..عاد لي شاف الجو هادي بيبدي يتحرش اهو لانه متوقع شي .. عاد سوي روحج متفاجاة ومو متوقعه شي _نفس الفكرة تحرشي فيه شي بسيط بس وعقبها روحي طالعي التلفزيون ولا حوسي بالغرفة خليه اهو اللي يبادر وموشرط عقب كل تحرش شي قنعي بالقليل _انا ما اايد سالفة ان يكون يوم اسبوعي معين للطلعة وبس كشتة طول الاسبوع .. الروتين ترى يغثثثثثثثثث ويضيق الخلق حاولي تخلين حياتكم متجدده على طول يعني طبعا الا اذا كان طبيعة عملكم تحدد ان مافي يوم فري الا هاليوم بس اللي عندهم مجال خل يحاولون يبتكرون بهالجانب يوم عشا برة ويوم خخطوا لرحلة من الصبح ويوم سوق ويوم جمعية ويوم زوارة الاهل ويوم انتي معاه بس ويوم عزموا احد معاكم خلوا الجو يتجدد على طول ياكثر ما نطلع ونفس الشي ونفس النفسيات ونفس الاماكن يمكن بعد وما استفدنا شي الحين الريال اللي يتزعل على طوووووووووووووووووول شنو الحل معاه؟؟؟ الحل الاول : تتجنبين الشغلات اللي تزعله كثر المستطاع اكيد تعرفين شنو اللي يحبه وشنو اللي مايحبه الحل الثاني: اذا شفتي بوادر زعل وانه ناوي يكبر السالفة لاتعطينه مجال يكبرها وساحليه بالكلام اللي يبيه مؤقتا على ما يطخ وتالي بالوقت المناسب بيني له وجهة نظرج بس بالوقت اللي يكون عنده استعداد يزعل انتي خلج مرنة ولا تشدين الحل الثالث : اذا غصبن عليج زعل وخلاص لاتعتذرين رسمي بس خليج طبيعية كلميه عادي ولا تحسسينه انج منتبهة لزعلة علشان لا يتغلى ويستانس مثل اليهال سوي روحج عادي وماتدرين انه زعلان الحل الرابع : اذا شفتي السالفة بتطول ومصر عالزعل بري ذمتج جدام ربج وطيبي خاطرة يستاهل ريلج وابو عيالج وانتي اخذي الاجر وادعي له ربي يهداه وحاولي تتخيلين شنو الاسلوب اللي مو ممكن ابدا ان ريلج يرفضة؟؟ طبعا كل ريال غير الثاني وانتي ادرى بريلج شنو نقطة ضعفة دوريها ولي لقيتيها دخلي له من هالباب اكو رياييل يتجاوبون ويتقبلون اي كلام ببعض الاوقات وموشرط الاوقات الحميمة اكو ريال احلى وقت عنده وقت الاكل يستهل ويتقبل اي كلام واكو بالفراش واكو بالسفر واكو وقت الطلعة و كل واحد غير طريقته فحاولي انج توضحين له هالنقطة بوقت مناسب وباسلوب مناسب واختاري الكلام بدقة وسوي له تعديلات شوفي انا لي زعلت مع ريلي اسكت واروح غرفتي واكتب ورقة يمكن توصل لي 5 اوراق عادي من القهر والسالفة بحرتها بعدها ابتدي اسوي عليها تعديلات وامسح واضيف لما اوصل للشكل النهائي اقول الحين خلني اخليها رسالة رقيقة وابدل كل الكلمات العنيفة واحط بدالها كلام منمق وناعم ورقيق ويحمل نفس المعنى علشان لا نضيع النقطة اللي بنوصل لها وخلي جدامج هدف معين وهو انج تغيرين هالطبع فيه ومهما كانت الطريقة مايهم المهم نوصل وعقبها اخليها بصندوق عندي لمدة 6 ساعات جذي لما تتخمر...حشى كيكة مو رسالة وعقب لي رديت لها وقريتها اقعد اضحك على روحي ويمكن ما اعطيه يقراها واشقها واقطها فاذا ريلج من النوع اللي يتزعل انتي ساحليه مثل الياهل غالبا يكون هالريال يبي اهتمام زايد ويبي شد انتباه حسسيه ان ماعندج شغلة الا اهو خل يتطمن وقولي له اي شي يضايقك كتبه لي بورقة وانا لك مني اني بتقبل الكلام وبسوي كل اللي اقدر عليه علشان اريحك بس عاد لاتخلي الزعل يصير بيننا وخليه يعبر بالورقة والقلم ويطلع اللي بقلبه وانتي لاتعورين قلبج على مايكتب كل شي الا ناسي السالفة وبارد قلبه اذا مادعيتوا لي ماني مكملة بزعل  الحين انا تعبت لي ذكرت شي بقول لكم واللي تبي تاخذ الموضوع تقول منقول من منتدى كويتيات مواضيع قد تعجبك:
| ||||||||||||||||||||||||||||||
 | ||||||||||||||||||||||||||||||
 جديد المواضيع في قسم عالم الحياة الزوجية و المعاشره |
| |
|
11-10-2013, 03:22 PM
| المشاركة رقم: 3 | ||||||
|  مشكووووووره والله يعطيك الف عافيه نصائح مفيده فعلا بارك الله فتج | ||||||
| | |||||||
 |
| الكلمات الدلالية (Tags) |
| ؟؟ , اضبطه , تعالي , زوجك , ستايله , قديم , وانا |
زوجك ستايله قديم ؟؟ تعالي وانا اضبطه
العرض العادي
| |
الساعة الآن 07:26 AM.