جديد الفعاليات
دخول العضوات
ألماس  جديد المواضيع في قسم عالم الحياة الزوجية و المعاشره |
| |
10-12-2013, 02:25 PM
| المشاركة رقم: 9 | ||||||
|   تسريحات سهله .. تقدرين تسوينها في شعرج .. ببدا بتسريحات الشعر الطويل .. لأني اعاني شراتكم ~.~ فبنطبق مع بعض الي في الصور .. ^_^ تقدرين تزيننهـ بتاج ..  او عقصة بسيطة على الطرف ..  او بفراشات .. او شباصات صغيرة ^:^    تقدرين تخلينه كيرلي شوي ..  نقدر نخليه مسشور ونفله ..  او نرفعهـ بهالطريقة ونحط شال من يدام ..  او نرفعهـ كامل .. *_^  تقدرين تحطين تاج من الخلف ..    خلاص ياصاحبات الشعر الطويل .. عرفنا كيف نتصرف مع شعرنا ..!!.. والي شعرها قصير تقدر تستفييد بعد ولاتزعل !.! .. إن شاء الله بنرمس في الجزء الثاني عن الشعر القصير ^_* . | ||||||
 | |||||||
|
10-12-2013, 02:46 PM
| المشاركة رقم: 10 | ||||||
|  ولاتزعلون  يا صاحبات الشعر القصير:  تفضلوا يادلوعات هالتسريحات البسيطة تقدرون تسوونها يوميا ..~ تقدرين تحطين جل او موس .. او اي طريقة .. وتلفين فيها شعرج شرات هالصورة ~..  او تحطين عليه فيونكة وترفعينهـ .. او تربطينهـ ربطتين .. على حسب لون الملابس ^_^ \  او ترفعينهـ كامل .. مع بعض الخصلات الناعمهـ ..  او نحط فيهـ شباصات صغيره ..  شورايج لو تربطين عليه شال لو مستعيلة .. أو ماعندج وقت ^_^ وهذه تسريحات تقدرين تطبقينها ~..   وانتظروني في الجزء التالي .. ياحلوات ..~ .. | ||||||
| | |||||||
|
10-12-2013, 02:53 PM
| المشاركة رقم: 11 | ||||||
|  حياكم الله دلووعات .. هذا يعتبر الجزء الاخير عن الشعر ^.^  في هذا الدرس .. راح نتكلم عن طريقة اضافة الحياة لشعرج ^_*.. طبعا شعرج تاج رااسج .. ولازم يكون فيهـ شي مميز .. يعني غيري فيهـ بين فترة وفترة .. مااقولج قصيه وحشيهـ لا لا .. انا من مؤيدين الشعر الطويل ^_* لو على طولهـ تقصينهـ مدرج .. شوفي هالصور ..  اصبغي شعرج .. بس هب دوم عشان مايتضرر ..  فيه الرش الي ينرش على الشعر .. استخدميهـ لو بغيتي تغيرين .. تقديرن تضيفين عليهـ هالشباصات الي معاها خيووط (ماقلت وصلهـ مانبى ندخل في الحرام ) بس هب بهالطريقة طبعا لوول بس حطيتها للتوضيح ^_^  روحي الصالون بين فترة وفترة سوي حمام زيت لشعرج .. مساج للراس .. اوكي .. شعرج صار شعرج اينن .. خلص الدرس؟؟ .. نوووو نووو نووو مب هذا هو الدلع لوول .. الدلع كيف ندلع فيه >> لغز ^_* كيف يعني ؟؟ مثلا : 1.وانتي يالسه مرري اصابعج على شعرج وهو مستشور اونج تمشطينهـ بيدج بس هب يتعلق كل شوي بشعرج ^_*. مشطيهـ عدل لاتفضحينا لووول  2.امسكي خصلة والعبي فيها .. وانتي تطالعين الارض  3. اذا كان شعرج طويل استخدميهـ للتعبير عن خجلج .. مثلا قلتي كلمهـ واستحيتي غطي ويهجج بشعرج ..  4 . لما يزقرج ريلج .. تبين تشوفينهـ لفي ويهج مع شعرج .. يعني خليه شوي يطير بالهواء بنعومهـ ولاتكثرين منها عشان مايقول تصطنع الدلع ^_*  5.شمي ريحة شعرج يداام ريلج وقوليي اااااااه محلات ريحة شعري ..  6.خلي خصلات من شعرج على ويهج .. وتدلعي فيهم وانتي تحركين راسج يمين ويسار ..  7. لمي شعرج على جنب وااحد وخلي رقبتج ظاهره .. هالطريقة وايد تعطي نعومة ..  8. وانتي رااااقدة يااوييلج لو ربطتي شعرج ,, تررااه مايعطي شكل حلو .. خلي شعرج على جنب او ارقدي وانتي رافعته او حتى لو تخلين خصلات على ويهج ..  9. شوفي هالحركة .. احسها فيها دلعهـ وانوثهـ بس ماناكل المشط لووول بس على الاطراف ..  | ||||||
| | |||||||
|
10-12-2013, 03:00 PM
| المشاركة رقم: 12 | ||||||
|  في النهاية يقدم لكِ الخبراء بعض النصائح التي تساعدك في إبراز جمال وحيوية شعرك : 1 ـ لا تستخدمي الشامبو يومياً، حتى لا يتساقط شعرك. 2 ـ استخدمي البلسم على الأطراف فقط. 3 ـ استخدمي الماسك الخاص للشعر بعد الحمام لتحصلي على شعر حيوي ينبض بالبريق والحيوية. 4 ـ استخدمي حمامات الزيت مرتين في الأسبوع وابتعدي عن البخار. 5 ـ استخدمي الفرشاة المبتعدة الأسنان، ولا تكثري من تمشيط شعرك أثناء التسريحة. 6 ـ احرصي على استخدام الاسبراي الذي تختاره لكِ أخصائية الشعر، ولا تقلدي صديقتك. 7 ـ قومي بعمل مساج خاص لفروة الرأس مرة في الأسبوع لتنشيط وتجديد الدورة الدموية في رأسك. 8 ـ اعملي خلطة خاصة بك من الزيوت الطبيعية، وادهني بها شعرك وفروة رأسك، ثم لفي شعرك بفوطة دافئة مدة نصف ساعة ، ثم اشطفي شعرك بالشامبو. 9 ـ قصي أطراف شعرك مرة كل أسبوعين، حتى يتجدد وتقضين على تقصفه. 10 ـ اختاري القصة التي تناسب شكل وجهك واظهري بشكل جديد ولا تقلدي صديقاتك، فما يتناسب مع وجوههن حتماً لا يتناسب معك. تعبت واايد وان اعد الموضوع .. ياليت لو ماتنسوني من دعواتكم الطيبة في العشر الأواخر وهذه الأيام المباركة .. وبإذن الله بنتكلم عن الوجهـه والعناية بالعينين والانف والشفاه والأذن في الدرس القادم ^_* | ||||||
| | |||||||
|
10-12-2013, 03:26 PM
| المشاركة رقم: 13 | ||||||
|  هل نقدر انام بدلع ؟؟  اكيييييد .. نقدر انام ونحن يتقاطر منا الدلع بعد ^_*. تبوون تعرفون كييف ؟ يلا .. سكروا الباب ونبى هدوووووء ..  شطار يادلوعات .. لازم نجهز السرير .. نرتبهـ ومافي شي عليهـ بقايا ثياب .. او اي شي يضايجنا .. عطريه .. ورشي على المخذه شويه عطور .. حلو لو تدخنينه بين فترة وفترة .. انا بصراحهـ احب مسك عبد الصمد القرشي الأحجار .. ابشر المسك واحطه تحت اللحاف .. ريحتهـ خباااال ..  اوكي في البداية يالييت لو مانكاسل وناخذ حمام ماي دافي .. الله النوم بعده قمة في الاسترخاء .. خذنا الحمام الدافي . . نلبس بجامة ناعمهـ شوفوا هالتشكيلة .. اختاري منها وحدة لج .. وماننسى دعاء لبس الثياب .. الحَمْدُ لله الذِي كَساني هذا( الثوب ) ورَزَقَنِيه مِنْ غَيْرِ حَوْلٍ مِنّي ولا قُوةٍ    G]  ] لبستي ولاتنسين شعرج .. لازم نسرحهـ بالطريقهـ الي تعلمناها .. يلا يلسي الحين على السرير .. ولازم الدرج الي عند السرير تفضينهـ لكريمات ماقبل النوم ^_* اول شي كريم جونسون ماقبل النوم .. يااسلاااااااااام كل مااروحهـ اتثاوب لووول صدق يساعد على الإسترخاء .. وفي منه زيت لو تحبين تستخدمينهـ وبودرة بعد .. بصراحهـ انا احب استخدمهم كلهم مع بعض .. واااو على الريحة .. الكريم استخدمهـ لإيدي وريلي .. والزيت حلو للأفخاذ والبطن والظهر .. والبودرة تحت اليد .. او بين الفخذ على راحتج ..  اوكي ارفعي بنطلون البجامة بكل خفهـ .. وحطي الكريم على راحهـ ايدج .. طبعا ماننسى لازم نحط الكريم بعد بدلع ومساج خفيف .. مثلا نبدا نحط الكريم على ايدنا .. ونمسح الرجل من اسفل إلى اعلى ومن اعلى لأسفل ..  ياسلام عليج صرتي نعوومهـ .. وبشرتج شرات بشرة الاطفال .. الي تحب الفازلين حلو انها تستخدمهـ لكعب الريل لأنها تبعد الخشونهـ .. وفي فازلين خاص للشفايف .. أو الي حابهـ تستخدمهـ نفسهـ ..  كريم الويهـه .. حطي الكريم على ويهج ..  او غيري .. حلو لو تيبين علبه للرش الي تنباع في دايسو .. وحطي فيها ماي ورد .. ياسلام قمة الانتعاش وانتي ترشينها ^_*. قطرتين من مسك عبدالصمد خلف الإذن .. اوكي الحين السرير روحهـ بيزقرج وبيقولج الله يخليج نامي لووول .. شعرج حطيه على طرف او فوق المخدة وحطي راسج بخفهـ .. ياسلاام على ريحهـ المخده ..  حلو انج تعودين ريلج على عادة مشتركهـ معاه .. يعني قبل ماترقدون اقري انتي معاه سورة الملك ..  شوفي اجرها وثوابها .. عن ابي هريرة رضي الله عنه عن رسول الله صلى الله عليه وسلم قال : "ان سورة في القران ثلاثين اية شفعت لصاحبها حتى غفر "له: تبارك الذي رواه اهل السنن الاربع واخر ايتين من سورة البقرة .. والحين مانقدر نقولج غير تصبحين على خير .. وأحلام سعيدة .. ^_* | ||||||
| | |||||||
العرض العادي
