بسم الله الحمن الرحيم ..
السلام عليكم ورحمة الله وبركاته ..

قشور الرمان ... !!!

أخباركم بنااااااااات ؟

طبعا اغلبنا يعرف فوائد الرمان .. سواء كان فاكهة أو قشور أو عصير ..
الرمان معروف في فوائده ..


طبعاً اليوم راح اتكلم عن قشور الرمان .. معروف ان قشور مفيد للجسم والشعر والأسنان ..
طبعاً أبتكلم عن تجربتي له .. أنا اخذ مجموعة من القشور و أحطهم بالشمس بعد كم يوم جيت اخذتهم و جلست أطحنهم لحد ما صاروا كأنهم تراب .. بعد كذا إذا بغيت أحط حناء أحط معه القشور المطحونة .. لأني سمعت عن فوائده و حتى اعرف وحد قالتلي صديقتها كانت تستخدم قشور الرمان للشعر و ما شاء الله تقول شعرها صار خيال ..

و فيه كمان سمعت عن ماء الرمان ... طريقته .. تجيبين قدر صغير وتحطين في ماي حار و تحطين معاه قشور الرمان تخلينه يغلي شوي ( تقريباً من خمس دقائق إلى ربع ساعة ) طبعاً تخلين النار هادئة ..
بعد كذا تصفين الماي وتخلينه شوي عشان يبرد أو حطيه بالثلاجة شوي و بعدين جيبيه وحطيه على شعرك و وجهك .. طبعا أنا بادية في هذي الشغلات قبل كم يوم .. و ماشاء الله أحسنه روعة بس مو تحطينه يوم أو يومين وتقولين ليش ماصار شيء لا لازم تصبرين ..
طبعاً انا ودي أصور لكم لكن من فاضي يصور ويجيب الصور ..

و بس هذا اللي حبيت اقوله عن تجاربي ..

و اللي تجرب وتشوف نتائج حلوه ما أبغا منها إلا الدعاء ..

و شكراً