منتديات شبكة حياة - صينية البطاطس بالبشاميل

صينية البطاطس بالبشاميل

السلام عليكم و رحمة الله و بركاته

بطاطس بالبشاميل..

http://www.hayah.cc/forum/storeimg/h...608501_433.jpg

صينية البطاطس بالبشاميل

المقادير:

½ كيلو صدور دجاج مخلية

2 ثمرة بصل مقطّعة شرائح

½ كيلو بطاطس مقطعة شرائح

3 ملعقة كبيرة زيت زيتون

2 ملعقة كبيرة زبدة

2 فص ثوم مفروم

ملح وفلفل

مقادير البشاميل:

½ كوب زبدة

½ كوب دقيق

ملح وفلفل

لتر لبن

جبنة موتزاريلا (حسب الرغبة)

الطريقة:

1- اسلقي الدجاج وقطّعيها مكعبات صغيرة.

2- بعد كده شوّحي البصل والثوم مع الزبدة وزيت الزيتون في طاسة على النار، لحد ما البصل يدبل، وبعد كده ضيفي عليهم الدجاج وقلّبيهم مع بعض على النار لمدة 5 دقائق، وتبّليهم بالملح والفلفل.

3- حضّري البشاميل؛ بإنك تخلطي الدقيق مع الزبدة وتقلّبيهم على النار لحد ما الدقيق يبقى لونه دهبي، وبعدين صبّي عليه اللبن وقلّبيه بسرعة؛ علشان الدقيق مايعملش كتل، والصوص يبقى ناعم، وتبّليه بالملح والفلفل، ولو حسّيتي إن الصوص بقى تقيل ممكن تزوّديه شوربة أو لبن لحد ما يوصل للسُّمك اللي إنتي عايزاه.

3- ادهني الصينية بطبقة رقيقة من الزبدة، وبعد كده حطّي طبقة بشاميل خفيفة، وحطّي بعدها طبقة بطاطس، وبعدها طبقة فراخ وطبقة بطاطس تانية، وغطّيهم بالبشاميل، ودخّليها الفرن على درجة حرارة 175، وسيبيها لمدة ربع ساعة، وبعد كده طلّعيها وحطّي على وش الصينية طبقة من الجبنة الموتزاريلا، ودخّليها الفرن مرة تانية وسيبيها لغاية ما الجبنة تسيح والوش يحمرّ، وبعد كده طلّعيها وقدّميها..

وبالهنا والشفا.

صينية البطاطس بالبشاميل